Stólpagrín er nú gert að J.D. Vance, varaforseta Bandaríkjanna, sem virðist ver með ólukkuský yfir höfði sér. Allt sem hann snertir virðist verða að dufti.
Í breska blaðinu The Independent eru hrakfarir Vance raktar. En hann fór í einstaklega illa heppnaða ferð til Ungverjalands og Pakistan.
Vance heimsótti Viktor Orban, fráfarandi forseta Ungverjalands, til þess að lýsa stuðningi yfir endurkjöri hans. Fór það ekki betur en svo að Orban gjörtapaði kosningunum fyrir Peter Magyar, sem fékk aukinn meirihluta á þinginu og getur breytt stjórnarskránni.
Ekki gekk Vance betur í Pakistan þar sem reynt var að ná friðarsamkomulagi við klerkastjórnina í Íran, í stríði sem er að reynast algjört kviksyndi fyrir Bandaríkjamenn. Eftir innan við sólarhring fór Vance heim með ekkert samkomulag í höndunum.
„J.D. Vance er á sögulegri siglingu,“ sagði Ron Filipkowski, bandarískur lögmaður og samfélagsrýnir. Reifar hann fleiri misheppnuð ævintýri varaforsetans. „Hann berst fyrir AfD í Þýskalandi – þeir tapa. Hann bauð páfanum að koma á stóran viðburð Trumð – páfinn neitar. Stýrir friðarviðræðum við Íran – misheppnast algerlega. Berst fyrir Orban í Ungverjalandi – sem er grillaður.“
Gavin Newsom, ríkisstjóri Kaliforníu, gerði einnig grín að Vance.
„J.d. Vance sannar það að hann er léttvigtarmaður tvisvar sinnum á tveimur sólarhringum,“ sagði Newsom.
