Fjölmiðlamaðurinn Óðinn Svan Óðinsson hefur sagt skilið við RÚV eftir um sjö ára starf fyrir stofnunina. Þetta kemur fram í færslu Óðins á Facebook.

„Eftir tæp sjö ár hjá RÚV er nú komið að því að loka þeim kafla. Ég verð RÚV ævinlega þakklátur fyrir tækifærin og þau fjölmörgu verkefni sem mér hefur verið treyst fyrir. Ég hef unnið með frábæru fólki, eignast góða vini og hitt fólk um allt land sem hefur treyst mér fyrir sínum sögum. Næsti kafli verður opnaður fljótlega og hann verður pottþétt álíka skemmtilegur og þessi,“ skrifar Óðinn Svan.

Óðinn, sem búsettur er á Akureyri, starfaði drjúgan part tímans sem fréttamaður RÚV á Norðurlandi en færði sig svo meðal annars yfir á íþróttadeild stofnunarinnar auk þess sem hann starfaði sem einn af umsjónarmönnum Kastljóss.