Óhætt er að segja að fregnir um að Orri Páll Dýrason, trommari Sigur Rósar, hafi hætt í hljómsveitinni vegna ásakana um nauðgun hafi komið mörgum á óvart. Um helgina birti DV umfjöllun um ásakanir bandarísku listakonunnar Meegan Boyd á hendur Orra Páli. Hún sakar tónlistarmanninn um að hafa nauðgað sér í Los Angeles árið 2013. Orri hefur eftir það sagt skilið við Sigur Rós en var sú ákvörðun tekin svo málið myndi ekki bitna á félögum hans í sveitinni. Þá hefur hann beðið fólk að draga ekki fjölskyldu hans inn í málið.
Eftir að Orri tilkynnti í gær á Facebook að hann væri hættur í sveitinni fékk hann ótal stuðningskveðjur frá vinum og vandamönnum. Þar hafa tæplega hundrað manns skrifað athugasemdir, þar á meðal fjöldi þjóðþekktra Íslendinga. Langflestar athugasemdir eru einhvers konar kveðjur og honum óskað velgengni eða velfarnaðar. Jakob Frímann Magnússon skrifar til að mynda einfaldlega: „Vinarkveðjur!“ meðan Björgvin Halldórsson segir: „Gangi þér vel vinur“.
Tónlistarmaðurinn Michael Dean Odin Pollock segist, á ensku, hafa samúð og ekki hafa það á tilfinningunni að Orri Páll sé nauðgari. Annar tónlistarmaður, Steinar Fjeldsted úr Quarashi, sendir svipaða kveðju og aðrir: „Gangi þér og ykkur vel“.
Viðbrögð á Twitter eru þó önnur og gagnrýna nokkrir þar að svo virðist sem það skipti máli hver sé sakaður um kynferðisbrot.
Það er fátt sorglegra en að sjá “The grapevine effect” í fullum skala uppá nýtt.
“Trúum alltaf fórnarlömbum. Nema gerandinn sé 101 vinur okkar, hann er pottþétt saklaus”
— Bylgja Babýlons (@bylgja_babylons) September 30, 2018
Bölvum öll ástandinu í BNA, korteri seinna er frægur íslenskur maður sakaður um nauðgun og eina sem èg sè af því er fólk að deila sakleysis yfirlýsingu hans og á engum tíma hrúgast inn yfir 200 stuðnings comment.
Èg á ekki til orð yfir því hvað þetta er brenglað.— Eva Brá Önnudóttir (@eva_bra) October 1, 2018
Af hverju er enginn að tala um að Orri Páll var sakaður um sexual assault?
Það eru fimm heilir dagar síðan þetta varð public.
— Jón Már (@dodgygaur) September 30, 2018
Ímyndið ykkur fjölmiðlasturlunina ef þolandinn væri íslenskur og árásarmaður væri trommari í stóru erlendu bandi.
Það væri fólk á götuhornum öskrandi EXTRA! EXTRA! og allir fjölmiðlar landsins væru in on it. Bein útsending á DV og Vísir með manneskju á staðnum.— Jón Már (@dodgygaur) September 30, 2018