Landsliðskonurnar Glódís Perla Viggósdóttir og Karólína Lea Vilhjálmsdóttir voru gestir Helga Fannars Sigurðssonar í nýjasta þætti af Íþróttavikunni.
Ísland fór á fimmta Evrópumót sitt í röð síðasta sumar en komst liðið ekki upp úr riðlinum, sem þótti fyrirfram viðráðanlegur.
„Mann langar alltaf að gera betur. Við erum mjög miklar keppnismanneskjur og auðvitað var gríðalega svekkjandi í sumar að hafa ekki farið upp úr riðlinum. Ég held við höfum allar séð það fyrir okkur að geta gert það,“ sagði Glódís.
Karólína tók undir þetta.
„Maður á bara enn erfitt með að tala um þetta. Þetta er svona bannorð. Þetta tók sinn tíma en maður verður að horfa upp á við,“ sagði hún áður en Glódís tók aftur til máls.
„Það erfiðasta var hvað var langt í næsta landsliðsverkefni. Það er svo gott þegar kemur eitthvað strax en við hittumst ekki í þrjá mánuði eftir á.“
Nánar í spilaranum.
