fbpx
Sunnudagur 09.febrúar 2025
Pressan

„Ömmur kaupa haglabyssur“ – Skortur á skotfærum

Kristján Kristjánsson
Laugardaginn 7. ágúst 2021 22:00

Mynd:Getty

Ekki missa af Helstu tíðindum dagsins í pósthólfið þitt

Lesa nánar

Eigendur bandarískra skotvopnaverslana segja að skotfæri seljist á methraða þessar vikurnar en heimsfaraldur kórónuveirunnar kyndir mjög undir ótta almennings um öryggi sitt og fjölgun afbrota.

Skotvopn hafa selst mjög vel síðan faraldurinn skall á vegna ótta almennings við upplausn og aukningu glæpa en einnig hafa sumir einfaldlega haft meiri tíma til veiða. En í öll þessi skotvopn þarf skotfæri og þau hafa rokselst að undanförnu og er farið að bera á skorti. The Guardian skýrir frá þessu.

Fram kemur að framleiðendur segist framleiða eins mikið og þeir geta en samt sem áður eru hillur margra verslana hálftómar og verðið á skotfærum fer hækkandi.

Arden Frazin, skotvopnasali í New York, sagði í samtali við The Guardian að þeir sem voru að kaupa sér skotvopn í fyrsta sinn, eftir að faraldurinn skall á, hafi keypt tvo kassa af skotfærum með og aukning á sölu á skotfærum tengist ekki þeim sem áttu skotvopn fyrir. Hann sagði að mest væri spurt eftir skotfærum fyrir haglabyssur, skammbyssur og herrriffla. Hann sagði að framleiðendur vinni allan sólarhringinn en það dugi ekki til að anna eftirspurn.

National Shooting Sports Foundation segir að rúmlega 50 milljónir Bandaríkjamanna stundi skotíþróttir. Samtökin telja að rúmlega 20 milljónir skotvopna hafi verið seldar í landinu á síðasta ári.

Joe O‘Healy, framkvæmdastjóri Good Guys Guns & Ammo í Nanuet í New York, sagði að skotfærasala hafi tífaldast. Hann sagði að ótti fólks vegna heimsfaraldursins hafi orðið til þess að þjóðin sé að vopnast. „Við sjáum hluti sem við höfum aldrei séð áður, til dæmis einstæðar mæður með barnavagna og ömmur að kaupa haglabyssur.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Handtaka í tengslum við 20 ára morðmál

Handtaka í tengslum við 20 ára morðmál
Pressan
Fyrir 2 dögum

Kínverskum leikara var rænt – Málið vekur athygli á óhugnanlegum iðnaði í Mjanmar

Kínverskum leikara var rænt – Málið vekur athygli á óhugnanlegum iðnaði í Mjanmar
Pressan
Fyrir 3 dögum

Starfsfólk Musk lokar á tölvuaðgang embættisfólks

Starfsfólk Musk lokar á tölvuaðgang embættisfólks
Pressan
Fyrir 3 dögum

Flutti frá Bandaríkjunum og myrti dóttur sína síðan – Sagði hana hafa birt „ámælisverð“ myndbönd á TikTok

Flutti frá Bandaríkjunum og myrti dóttur sína síðan – Sagði hana hafa birt „ámælisverð“ myndbönd á TikTok
Pressan
Fyrir 4 dögum

Byssumaðurinn í Svíþjóð: „Hann var einfari“

Byssumaðurinn í Svíþjóð: „Hann var einfari“
Pressan
Fyrir 4 dögum

Það vill enginn dvelja í þessu fangelsi

Það vill enginn dvelja í þessu fangelsi