fbpx
Sunnudagur 19.september 2021
Pressan

WHO segir að bakslag sé komið í baráttuna við kórónuveiruna

Kristján Kristjánsson
Fimmtudaginn 15. júlí 2021 06:59

Heimsfaraldur kórónuveiru geisar þessi misserin. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Alþjóðaheilbrigðismálastofnunin WHO segir að bakslag sé komið í baráttuna við heimsfaraldur kórónuveirunnar. Ástæðan er að smitum og dauðsföllum fer nú fjölgandi á heimsvísu. Þetta gerist eftir níu vikna tímabil þar sem bæði smitum og dauðsföllum fór fækkandi.

Á síðustu sjö dögum hefur smitum fjölgað um tíu prósent en um þrjár milljónir smita hafa greinst á þessum dögum.

Flest smit hafa greinst í Brasilíu, Indland, Indónesíu og Bretlandi.

Dauðsföllum hefur fjölgað um þrjú prósent á heimsvísu síðustu sjö daga en 55.000 létust af völdum COVID-19.

Bakslagið er sagt vera vegna þess hversu fáa er búið að bólusetja, afléttingu sóttvarnaaðgerða á borð við notkun andlitsgríma og útbreiðslu hins smitandi Deltaafbrigðis en WHO hefur fundið afbrigðið í 111 löndum og væntir þess að það verði ráðandi á heimsvísu næstu mánuðina.

Vegna þess að faraldurinn er í sókn hefur verið gripið sóttvarnaráðstafana á nýjan leik í mörgum löndum, til dæmis í Hollandi og Ástralíu.

Í Belgíu hefur fjöldi smita næstum tvöfaldast á milli vikna en Deltaafbrigðið hefur breiðst sérstaklega hratt út meðal ungs fólks. Í Bretlandi hafa rúmlega 40.000 smit greinst á sólarhring í þessari viku. Í Argentínu hafa nú rúmlega 100.000 látist af völdum COVID-19 og í Rússlandi er dánartíðnin í hæstu hæðum frá upphafi faraldursins. Í Bandaríkjunum fer smitum fjölgandi en landið er meðal þeirra landa þar sem flestir hafa hlutfallslega verið bólusettir. Síðustu tvær vikurnar hafa um 24.000 smit greinst á sólarhring þar í landi en dauðsföllum hefur farið fækkandi og eru nú um 260 á sólarhring.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Dularfulla dúfnamálið skekur Osló

Dularfulla dúfnamálið skekur Osló
Pressan
Fyrir 2 dögum

Lyfjafyrirtækin segja að fljótlega verði nóg af bóluefnum fyrir alla heimsbyggðina

Lyfjafyrirtækin segja að fljótlega verði nóg af bóluefnum fyrir alla heimsbyggðina
Pressan
Fyrir 3 dögum

Hvað varð um hana? Hvarf sporlaust á ferðalagi með unnustanum og hann vill ekki segja mikið

Hvað varð um hana? Hvarf sporlaust á ferðalagi með unnustanum og hann vill ekki segja mikið
Pressan
Fyrir 3 dögum

Étinn af krókódíl þegar hann fór heim til sín

Étinn af krókódíl þegar hann fór heim til sín
Pressan
Fyrir 4 dögum

Eldfimar afhjúpanir í nýrri bók um Trump – „Er einhver í Hvíta húsinu sem gerir annað en að kyssa feitan rass hans?“

Eldfimar afhjúpanir í nýrri bók um Trump – „Er einhver í Hvíta húsinu sem gerir annað en að kyssa feitan rass hans?“
Pressan
Fyrir 4 dögum

Banna konum að æfa ef þær eru aðeins í íþróttabrjóstahaldara að ofan

Banna konum að æfa ef þær eru aðeins í íþróttabrjóstahaldara að ofan