fbpx
Fimmtudagur 24.júní 2021
Pressan

Sérfræðingar segja að kórónuveiran hafi verið búin til á rannsóknarstofu

Kristján Kristjánsson
Þriðjudaginn 8. júní 2021 06:00

Mynd:Getty

Ekki missa af Helstu tíðindum dagsins í pósthólfið þitt

Lesa nánar

Kórónuveiran, sem veldur COVID-19, var að öllum líkindum búin til af ásettu ráði í rannsóknarstofu. Þetta segja tveir bandarískir sérfræðingar og vísa þar í erfðafræðilega uppbyggingu veirunnar.

Vísindamennirnir tveir, þeir Stephen Quay og Richard Muller, segja í grein í The Wall Street Journal að líklega hafi veiran ekki verið búin til fyrir slysni, um meðvitaðan verknað hafi verið að ræða. Þeir segja að kortlagning af erfðafræðilegri uppbyggingu veirunnar, byggð á rannsóknum á veirum úr COVID-19 sjúklingum, sýni að lang líklegast sé að hún hafi verið búin til á rannsóknarstofu.

Mikil umræða hefur verið um uppruna veirunnar að undanförnu, sérstaklega eftir að Joe Biden, Bandaríkjaforseti, fyrirskipaði leyniþjónustustofnunum að gera enn ítarlegri rannsókn á uppruna veirunnar en því hefur verið haldið fram að hún hafi sloppið út frá rannsóknarstofu í Wuhan í Kína, hugsanlega fyrir slysni. „Mest sannfærandi rökin fyrir þeirri kenningu að veiran hafi sloppið út frá rannsóknarstofu hafa sterkan vísindalegan stuðning,“ skrifa Quay og Muller.

Hluti af erfðafræðilegri uppbyggingu veirunnar er erfðamengisuppröðunin CGG-CGG sem er ein 36 slíkra. Þessi uppbygging er mikið notuð við rannsóknir  þegar vísindamenn rannsaka hvernig veira getur orðið enn meira smitandi með því að breyta genum hennar. Að auki er þessi erfðamengisuppröðun mjög sjaldgæf.

Quay og Muller segja að engin náttúruleg kórónuveira hafi nokkru sinni haft þessa uppröðun. „Erfðamengisuppröðunin CGG-CGG hefur aldrei fundist í náttúrulegri veiru. Það þýðir að sú aðferð sem veira notar til að þróa nýja hæfileika, svokölluð endurröðun, virkar ekki í náttúrunni. Veira getur einfaldlega ekki tekið við erfðamengisuppröðun frá annarri veiru ef sú uppröðun er ekki til í neinni veiru,“ segja þeir.

Þeir segja að rannsóknarstofan í Wuhan sé þekkt fyrir að þar hafi verið unnið að rannsóknum þar sem CGG-CGG uppröðunin er notuð í veirum. Þeir segja jafnframt að þeir sem telja að veiran hafi borist úr dýrum í menn verði að útskýra af hverju veiran sé með erfðamengisuppröðun sem vísindamenn nota. „Já, það gæti hafa gerst fyrir tilviljun með stökkbreytingum. En trúir þú því?“ segja þeir og eiga þar við að uppröðunin gæti hafa orðið til fyrir tilviljun.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 3 dögum

FBI varar við „nethermönnum QAnon“ – Óttast aukið ofbeldi

FBI varar við „nethermönnum QAnon“ – Óttast aukið ofbeldi
Pressan
Fyrir 3 dögum

Hungursneyð og fleiri hörmungar vofa yfir í Eþíópíu

Hungursneyð og fleiri hörmungar vofa yfir í Eþíópíu
Pressan
Fyrir 4 dögum

Táningsbræður ákærðir fyrir morð – Þetta varð til þess að lögreglan gómaði þá

Táningsbræður ákærðir fyrir morð – Þetta varð til þess að lögreglan gómaði þá
Pressan
Fyrir 4 dögum

Geitaher á að koma í veg fyrir skógarelda í Kaliforníu

Geitaher á að koma í veg fyrir skógarelda í Kaliforníu