fbpx
Fimmtudagur 24.júní 2021
Pressan

NASA ætlar að senda tvö geimför til Venusar

Kristján Kristjánsson
Fimmtudaginn 3. júní 2021 08:01

Venus. Mynd:NASA/JPL

Ekki missa af Helstu tíðindum dagsins í pósthólfið þitt

Lesa nánar

Bandaríska geimferðastofnunin NASA tilkynnti í gær að hún hyggist senda tvö geimför til Venusar. Ferðirnar verða farnar á árunum 2028 til 2030. Geimförin eiga að rannsaka loftslag og jarðfræði plánetunnar.

Þetta verða fyrstu ferðir NASA til Venusar í um þrjá áratugi. Stofnunin hefur nú sett 500 milljónir dollara til hliðar til að mæta kostnaði við verkefnin sem hafa fengið nöfnin Davinci+ og Veritas.

Markmiðið með Davinci+ er meðal annars að mæla samsetningu hins þykka lofthjúps á Venusi til að reyna að dýpka skilning okkar á hvernig lofthjúpurinn varð til.

Veritas á að fara á braut um Venus til að kortleggja yfirborð plánetunnar. Markmiðið er að rannsaka jarðsögu plánetunnar til að reyna að komast að af hverju hún þróaðist á allt annan hátt en jörðin. NASA vonast einnig til að geta tekið fyrstu háskerpumyndirnar af einstöku jarðfræðilegu fyrirbæri á Venusi en það kallast tesserae en vísindamenn telja að það líkist heimsálfunum hér á jörðinni.

Venus er sú pláneta sem er næst jörðinni. Hún er oft sögð vera systurpláneta jarðarinnar því stærð, massi og fjarlægð þeirra til sólarinnar er svipuð. En Venus er ekki mjög lífvænleg pláneta því yfirborðshitinn getur orðið allt að 471 gráða en það nægir til að bræða málm. Andrúmsloftið er einnig þétt og eitrað en það samanstendur aðallega af CO2. Brennisteinssýru rignir síðan niður úr háloftunum.

Það eru rúmlega 25 ár síðan NASA sendi síðast geimfar til Venusar en það var 1994. Síðan hefur NASA einbeitt sér að rannsóknum á Mars og öðrum stöðum í sólkerfinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Nýjar vendingar í hryllilegri harmsögu – Rannsóknir á símum og snjallúrum leiddu sannleikann í ljós – Ekki var allt sem sýndist

Nýjar vendingar í hryllilegri harmsögu – Rannsóknir á símum og snjallúrum leiddu sannleikann í ljós – Ekki var allt sem sýndist
Pressan
Fyrir 2 dögum

Þetta er Repúblikaninn sem Trump beinir spjótum sínum að þessa dagana

Þetta er Repúblikaninn sem Trump beinir spjótum sínum að þessa dagana
Pressan
Fyrir 2 dögum

COVID-19 hneyksli skekur Svíþjóð – Tóku 100.000 sýni en sendu þau ekki í rannsókn

COVID-19 hneyksli skekur Svíþjóð – Tóku 100.000 sýni en sendu þau ekki í rannsókn
Pressan
Fyrir 3 dögum

Hungursneyð og fleiri hörmungar vofa yfir í Eþíópíu

Hungursneyð og fleiri hörmungar vofa yfir í Eþíópíu
Pressan
Fyrir 3 dögum

Harmleikur í barnaafmæli – Ung börn særð eftir skotárás í Kanada

Harmleikur í barnaafmæli – Ung börn særð eftir skotárás í Kanada
Pressan
Fyrir 4 dögum

Geitaher á að koma í veg fyrir skógarelda í Kaliforníu

Geitaher á að koma í veg fyrir skógarelda í Kaliforníu
Pressan
Fyrir 5 dögum

Tölvuþrjótar herja af miklum krafti á bandarísk fyrirtæki

Tölvuþrjótar herja af miklum krafti á bandarísk fyrirtæki