fbpx
Mánudagur 21.júní 2021
Pressan

NASA gagnrýnir Kínverja fyrir ábyrgðarleysi í geimnum

Kristján Kristjánsson
Mánudaginn 10. maí 2021 22:30

Long March 5B þegar henni var skotið á loft 29. apríl. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Aðfaranótt sunnudags kom stjórnlaus kínversk eldflaug, Long March 5B, inn í gufuhvolf jarðar og brann upp að mestum hluta. En það sem ekki brann upp hrapaði í Indlandshaf. Kínverjar höfðu enga stjórn á eldflauginni og ekki var hægt að hafa nein áhrif á hvar hún hrapaði til jarðar. Þetta gagnrýnir Bandaríska geimferðastofnunin NASA.

CNN skýrir frá þessu. Fram kemur að Bill Nelson, yfirmaður hjá NASA, hafi í yfirlýsingu sagt að þær þjóðir, sem stunda geimferðir, eigi að lágmarka þá hættu sem fólki og öðru á jörðinni er búin þegar hlutir koma aftur til jarðarinnar. „Það þarf að vera hámarks gagnsæi í verkefnum sem þessu. Kínverjar bregðast og uppfylla ekki kröfur hvað varðar geimrusl,“ sagði Nelson.

Eldflaugin vóg 18 til 20 tonn en eins og áður segir brann megnið af henni upp í gufuhvolfinu en restin hrapaði í Indlandshaf.

Eldflaugin var send út í geim þann 29. apríl en hún flutti einingu í nýja geimstöð Kínverja á braut um jörðina. Þegar eldsneytið var á þrotum varð hún stjórnlaus og fór hring eftir hring um jörðina og nálgaðist hana sífellt vegna aðdráttarafls jarðarinnar.

Dpa segir að sérfræðingar telji að hönnun eldflaugarinnar skýri af hverju hún varð stjórnlaus. Hún sé hugsanlega hönnuð þannig að ekki sé hægt að stjórna hvar hún kemur til jarðar né hvenær.

Geimferðastofnanir reyna yfirleitt að forðast að missa stjórn á eldflaugum sínum. Áður en þeim er skotið á loft er gerð áætlun um hvenær og hvar eldflaugarnar eiga að koma aftur inn í gufuhvolfið. Yfirleitt eru þær látnar hrapa á afskekktum svæðum í Kyrrahafi. CNN segir að sumar eldflaugar séu einnig látnar fara á „kirkjugarðsbraut“ um jörðina en það er braut þar sem hægt er að geyma eldflaugar áratugum eða öldum saman ef út í það er farið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ingó opinberar ástina

Nýlegt

Pressan
Fyrir 2 dögum

Geitaher á að koma í veg fyrir skógarelda í Kaliforníu

Geitaher á að koma í veg fyrir skógarelda í Kaliforníu
Pressan
Fyrir 2 dögum

Tölvuþrjótar herja af miklum krafti á bandarísk fyrirtæki

Tölvuþrjótar herja af miklum krafti á bandarísk fyrirtæki
Pressan
Fyrir 3 dögum

Slæmar fréttir af bóluefni CureVac

Slæmar fréttir af bóluefni CureVac
Pressan
Fyrir 3 dögum

19. júní er nýr frídagur í Bandaríkjunum

19. júní er nýr frídagur í Bandaríkjunum
Pressan
Fyrir 4 dögum

Deltaafbrigði kórónuveirunnar hefur borist til 74 landa – Mun meira smitandi en önnur afbrigði

Deltaafbrigði kórónuveirunnar hefur borist til 74 landa – Mun meira smitandi en önnur afbrigði
Pressan
Fyrir 4 dögum

Biðja til „kórónugyðjunnar“ – „Kannski frelsar hún okkur“

Biðja til „kórónugyðjunnar“ – „Kannski frelsar hún okkur“
Pressan
Fyrir 5 dögum

Lögreglan kíkti í kjallarann hans – Á 21 árs fangelsi yfir höfði sér

Lögreglan kíkti í kjallarann hans – Á 21 árs fangelsi yfir höfði sér
Pressan
Fyrir 5 dögum

Danir svitna – Miklum hita spáð í vikunni

Danir svitna – Miklum hita spáð í vikunni