fbpx
Laugardagur 24.september 2022
Pressan

Mjanmar er á barmi borgarastyrjaldar

Kristján Kristjánsson
Miðvikudaginn 17. mars 2021 06:58

Min Aung Hlaing er yfirmaður hersins. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Lýðræðisleg skuggastjórn í Mjanmar hvetur nú til byltingar og vill mynda bandalag með hinum ýmsu fámennu hersveitum hinna ýmsu hópa í landinu. Helgin var blóðug í landinu og Kínverjar eru nú við það að dragast inn í átökin í landinu eftir að mótmælendur kveiktu í 32 kínverskum fyrirtækjum um helgina.

Herinn skaut á mótmælendur víða um land um helgina, aðallega í Yangon og Mandalay. 44 létust. Frá því að herinn rændi völdum hafa að minnsta kosti 120 fallið fyrir byssukúlum hans að sögn samtakanna the Assistance Association for Political Prisoners. Ekki er vitað hversu margir hafa særst en talið er að það séu mjög margir.

Kínversk stjórnvöld segja að tveir Kínverjar hafi slasast þegar ráðist var á kínversk fyrirtæki í Yangon. Fjárhagslegt tjón Kínverja hleypur á sem nemur mörg hundruð milljónum íslenskra króna. Kínverska sendiráðið í Mjanmar sendi frá sér yfirlýsingu þar sem það hvatti lögregluna til að vernda kínversk fyrirtæki í landinu. Á fréttamannafundi í utanríkisráðuneytinu í Peking sagði talsmaður þess að Kínverjar vildu aðeins að friður ríkti í Mjanmar og hafi enga skoðun á hvernig stjórn á að vera við völd þar. Hann viðurkenndi þó að kínversk stjórnvöld fylgist vel með þróuninni og hafi miklar áhyggjur af öryggi Kínverja í Mjanmar.

Mótmælendur í Mjanmar hafa ekki sakað Kínverja um að vera í slagtogi við herinn en saka þá um að halda sig til hlés og koma í veg fyrir að öryggisráð SÞ samþykki ályktanir sem beinast gegn herforingjastjórninni.

Lýðræðislega skuggastjórn landsins samanstendur af 60 til 70 þingmönnum, sem voru kosnir í lýðræðislegum kosningum síðasta haust. Hún hefur nú breytt um stefnu og skipt úr því að hvetja til borgararlegrar óhlýðni og allsherjarverkfalla yfir í að hvetja til þess að tekist verði á við herinn með valdi.

Það er því ljóst að ástandið í landinu er eldfimt og að það rambar á barmi borgarastyrjaldar. Síðan er spurning hvort Kínverjar muni blanda sér í málin en löndin liggja saman.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 4 dögum

Jarðarförin ,,öryggismartöð“ og mörg ár í undirbúningi – Valdamesta og tignasta fólks heims á sömu fermetrunum – Þekkir þú fólkið á myndinni?

Jarðarförin ,,öryggismartöð“ og mörg ár í undirbúningi – Valdamesta og tignasta fólks heims á sömu fermetrunum – Þekkir þú fólkið á myndinni?
Pressan
Fyrir 4 dögum

Hárkollugengið fór mikinn – Náðist að lokum

Hárkollugengið fór mikinn – Náðist að lokum
Pressan
Fyrir 5 dögum

Nyrsta eyja heims reyndist ekki vera eyja þegar allt kom til alls

Nyrsta eyja heims reyndist ekki vera eyja þegar allt kom til alls
Pressan
Fyrir 5 dögum

Banna kjötauglýsingar á almannafæri

Banna kjötauglýsingar á almannafæri
Pressan
Fyrir 6 dögum

Leystu 66 milljóna ára gamla ráðgátu

Leystu 66 milljóna ára gamla ráðgátu
Pressan
Fyrir 6 dögum

Fundu sannanir fyrir aflimun fyrir 31.000 árum

Fundu sannanir fyrir aflimun fyrir 31.000 árum