fbpx
Föstudagur 27.maí 2022
Pressan

Enn vindur Partygatehneyksli Boris Johnson upp á sig

Kristján Kristjánsson
Föstudaginn 17. desember 2021 08:00

Boris Johnson Mynd/Getty Images

Ekki missa af Helstu tíðindum dagsins í pósthólfið þitt

Lesa nánar

Á meðan harðar sóttvarnaaðgerðir voru í gildi í Bretlandi og stór hluti samfélagsstarfseminnar lá niðri drukku Boris Johnson, forsætisráðherra, og samstarfsfólk hans vín og borðuðu pítsur í bústað forsætisráðherrans í Downingstræti. Þetta gerðist í maí en þá hittust um 20 samstarfsmenn Johnson og hann sjálfur.

Sumir sátu inni í húsinu sjálfu en aðrir voru í garðinum. Þetta segja The Guardian og The Independent. Á þessum tíma var samkomubann í gildi og máttu aðeins tveir aðilar, sem ekki bjuggu í sama húsi, hittast hverju sinni og það utanhúss. Einnig átti fólk að hafa tvo metra á milli sín.

En þetta kvöld sat fólk saman og drakk áfengi. Johnson er sjálfur sagður hafa verið í garðinum í um korter. Inni í húsinu er hann sagður hafa sagt við starfsmann að samstarfsfólk hans ætti skilið að fá einn drykk fyrir að hafa „sigrað veiruna“.

The Guardian hefur eftir heimildarmanni að Matt Hancock, þáverandi heilbrigðisráðherra hafi einnig verið á staðnum. Því hefur talsmaður Hancock vísað á bug.

Málið hefur vakið mikla reiði meðal Breta. Landsmenn eru ósáttir við að á sama tíma og þeim var sagt að halda sig heima og sleppa því að sækja mannfögnuði vegna mikils fjölda smita í landinu hafi Johnson og samstarfsfólk hans skemmt sér. Áður hafði það vakið mikla reiði að Johnson og starfsfólk hans héldu jólahlaðborð í Downingstræti fyrir síðustu jól og einnig hafa komið fram upplýsingar um að fleiri samkvæmi hafi verið haldin á meðan harðar sóttvarnaaðgerðir voru í gildi. Breskir fjölmiðlar hafa nefnt málið Partygate.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Þetta er ekki hundur
Pressan
Fyrir 3 dögum

Yfirmaður í Íranska byltingarverðinum myrtur í Teheran

Yfirmaður í Íranska byltingarverðinum myrtur í Teheran
Pressan
Fyrir 3 dögum

Bandaríkin ætla að styrkja sig á Grænlandi – Ætla að setja pening í Thulestöðina

Bandaríkin ætla að styrkja sig á Grænlandi – Ætla að setja pening í Thulestöðina
Pressan
Fyrir 4 dögum

Apabóla dreifir sér í Bretlandi – Mæla með þriggja vikna einangrun

Apabóla dreifir sér í Bretlandi – Mæla með þriggja vikna einangrun
Pressan
Fyrir 4 dögum

Fimm létust í þrumuveðri í Kanada

Fimm létust í þrumuveðri í Kanada
Pressan
Fyrir 5 dögum

Kirsten var rænt eftir vinnustaðapartý – Við tók hryllingssólarhringur

Kirsten var rænt eftir vinnustaðapartý – Við tók hryllingssólarhringur
Pressan
Fyrir 5 dögum

Eyðilagði hjónaband foreldra sinna – „Ég smitaði pabba af herpes“

Eyðilagði hjónaband foreldra sinna – „Ég smitaði pabba af herpes“