fbpx
Laugardagur 28.maí 2022
Pressan

Dómarar í hæstarétti virðast hafa efasemdir um þungunarrofslöggjöfina í Texas

Kristján Kristjánsson
Þriðjudaginn 2. nóvember 2021 07:29

Hæstiréttur Bandaríkjanna. Mynd/Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Í gær hlustuðu dómarar hæstaréttar Bandaríkjanna á málflutning lögmanna varðandi umdeilda þungunarrofslöggjöf í Texas en hún er sú harðasta sem er í gildi í Bandaríkjunum.  NBC News segir að meirihluti dómaranna hafi virst hafa efasemdir um uppbyggingu löggjafarinnar.

Samkvæmt lögunum er þungunarrof nær algjörlega óheimilt eftir að hjartsláttur greinist hjá fóstri en það er yfirleitt á sjöttu viku meðgöngu. Á þeim tíma vita margar konur ekki að þær eru barnshafandi. Þungunarrof er einnig óheimilt þótt um nauðgun eða sifjaspell hafi verið að ræða.

Margir telja lögin brjóta gegn niðurstöðu hæstaréttar í hinu svokallað „Roe vsWade“ frá 1973 en sú niðurstaða tryggði konum stjórnarskrárvarinn rétt til þungunarrofs.

Við málflutninginn í gær virtust dómararnir hafa ákveðnar efasemdir við þau ákvæði laganna í Texas að það séu almennir borgarar sem framfylgja lögunum með því að þeim er heimilað að sækja sérhvern þann til saka sem framkvæmir þungunarrof eða aðstoðar við það. Þetta getur til dæmis náð til leigubílstjóra sem ekur konu til þungunarrofsmiðstöðvar, hann getur átt málshöfðun yfir höfði sér.

Gagnrýnendur segja þessa uppbyggingu laganna vera einhverskonar smugu sem sé meðvituð notuð til að koma í veg fyrir að látið sé reyna á lögin fyrir dómstólum.

Málið, sem var tekið til meðferðar í gær, snýst um beiðni Texasríkis til hæstaréttar um að hann komi í veg fyrir að málshöfðun þungunarrofsmiðstöðva gegn ríkinu og lögunum verði tekin fyrir hjá alríkisdómstóli. NBC News segir að svo virðist sem meirihluti dómaranna hallist að því að láta málið fara til meðferðar hjá alríkisdómstóli.

Meðal þeirra dómara sem lýstu yfir efasemdum um uppbyggingu laganna hvað varðar að láta almenna borgara framfylgja þeim var Brett Kavanaugh sem er mjög íhaldssamur. Hann sagði að hér væri verið að nota ákveðna „smugu“ og að spurningin sé hvort hæstiréttur eigi að reyna að „loka þessari smugu“. Þrír af dómurum réttarins eru mjög íhaldssamir en þrír teljast frjálslyndir.

Reiknað er með að hæstiréttur taki afstöðu til málsins fyrir næstu mánaðarmót en þá tekur hann fyrir mál er varðar þungunarrofslög í Mississippi en samkvæmt þeim er þungunarrof nær algjörlega óheimilt eftir 15 vikna meðgöngu. Mississippi fer fram á að hæstiréttur falli frá tímamótadómnum í máli „Roe vsWade“ sem nefnt er hér að framan.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 4 dögum

Norðurkóresk yfirvöld segjast hafa náð stjórn á kórónuveirufaraldrinum

Norðurkóresk yfirvöld segjast hafa náð stjórn á kórónuveirufaraldrinum
Pressan
Fyrir 4 dögum

Segir að apabóla sé „sérstaklega ógeðsleg“

Segir að apabóla sé „sérstaklega ógeðsleg“
Pressan
Fyrir 4 dögum

Segja þetta ástæðu útbreiðslu apabólunnar

Segja þetta ástæðu útbreiðslu apabólunnar
Pressan
Fyrir 4 dögum

Fyrsti rússneski hermaðurinn til að vera sakfelldur fyrir stríðsglæp í Úkraínu

Fyrsti rússneski hermaðurinn til að vera sakfelldur fyrir stríðsglæp í Úkraínu
Pressan
Fyrir 5 dögum

Var við dauðans dyr eftir notkun eyrnapinna

Var við dauðans dyr eftir notkun eyrnapinna
Pressan
Fyrir 5 dögum

Gerði skelfilega uppgötvun í bílnum sínum

Gerði skelfilega uppgötvun í bílnum sínum