fbpx
Sunnudagur 05.desember 2021
Pressan

SÞ segja að loftslagsbreytingar ógni 118 milljónum fátækra Afríkubúa

Kristján Kristjánsson
Sunnudaginn 24. október 2021 14:00

Áhrifa loftslagsbreytinganna gætir hér á landi. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Um 118 milljónir mjög fátækra Afríkubúa eru í hættu vegna loftslagsbreytinganna. Öfgaveður á borð við mikla þurrka, hita og flóð ógna þessu fólki og þeim fáu jöklum sem eru í Afríku. Þetta kemur fram í nýrri skýrslu frá Sameinuðu þjóðunum og Afríkusambandinu.

Fram kemur að loftslagsbreytingarnar geti valdið þriggja prósenta samdrætti í afrísku efnahagslífi um miðja öldina. Hnattræn hlýnun getur einnig valdið því að þeir fáu jöklar sem eru í Afríku hverfi alveg innan 20 ára.

„2030 er talið að allt að 118 milljónir mjög fátækra Afríkubúa verði fyrir áhrifum þurrka, flóða og öfgahita ef ekki verður gripið til viðeigandi aðgerða,“ segir Josefa Sacko, sem fer með landbúnaðarmál hjá Afríkusambandinu.

Með mjög fátækum Afríkubúum er átt við fólk sem hefur minna en sem svarar til 240 íslenskra króna til framfærslu á dag.

Í skýrslunni kemur fram að möguleikar Afríku á að laga sig að öfgaveðri séu ekki miklir en slíkt veðurfar færist nú í aukana í heimsálfunni. Talið er að löndin sunnan Sahara þurfi að eyða 30 til 50 milljörðum dollara til að koma í veg fyrir verstu áhrifin en það eru 2-3 prósent af vergri þjóðarframleiðslu þeirra.

Síðasta ár var það þriðja hlýjasta í sögunni í Afríku síðan mælingar hófust. Hitinn var 0,86 gráðum hærri en síðustu þrjá áratugina á síðustu öld.

Hitinn hefur haft skelfileg áhrif víða í álfunni, meðal annars á jöklana á Kilimanjaro, Mount Kenya og Rwenzori.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Tinder-stefnumótið þróaðist undarlega – „Ég fór á stefnumót með klósettpappírsmanninum“

Tinder-stefnumótið þróaðist undarlega – „Ég fór á stefnumót með klósettpappírsmanninum“
Pressan
Fyrir 2 dögum

Pabbinn fór í búð á Svörtum föstudegi og keypti byssu handa syninum – Það var örlagaríkt

Pabbinn fór í búð á Svörtum föstudegi og keypti byssu handa syninum – Það var örlagaríkt
Pressan
Fyrir 3 dögum

Telja að Hæstiréttur Bandaríkjanna muni staðfesta þungunarrofslög Mississippi

Telja að Hæstiréttur Bandaríkjanna muni staðfesta þungunarrofslög Mississippi
Pressan
Fyrir 3 dögum

Ætlar þú að taka þátt í Whamageddon fyrir jólin? – Mikil áskorun

Ætlar þú að taka þátt í Whamageddon fyrir jólin? – Mikil áskorun
Pressan
Fyrir 3 dögum

Varar við minni virkni bóluefna gegn Ómíkron

Varar við minni virkni bóluefna gegn Ómíkron
Pressan
Fyrir 3 dögum

Þetta segir læknir að þú eigir að gera ef þú hefur áhyggjur af Ómíkrón afbrigðinu

Þetta segir læknir að þú eigir að gera ef þú hefur áhyggjur af Ómíkrón afbrigðinu