Bernardinelli-Bernstein halastjarnan er á leið inn í sólkerfið okkar og þann 21. janúar 2031 mun hún þjóta framhjá jörðinni okkar en þó í mikilli fjarlægð svo okkur mun ekki stafa hætta af henni. Halastjarnan er engin smásmíði eða um 150 kílómetrar í þvermál.

National Geographic skýrir frá þessu. Halastjarnan er nefnd eftir stjörnufræðingnum Gary Bernstein og vísindamanninum Pedro Bernardinelli. Hún er nú í um þriggja milljarða kílómetra fjarlægð og það muni líða rúmlega níu ár þar til hún kemur nærri jörðinni.

Hún uppgötvaðist 2014 en þá var talið að um dvergplánetu væri að ræða. En nú vita vísindamenn að um halastjörnu af stærri gerðinni er að ræða.

Sem betur fer mun hún ekki koma mjög nærri jörðinni og við munum ekki geta séð hana með berum augum.