fbpx
Sunnudagur 23.júní 2024
Pressan

Reynt að ráða aðalráðgjafa Úkraínuforseta af dögum – Grunur beinist að Rússum

Kristján Kristjánsson
Fimmtudaginn 23. september 2021 08:00

Bíll Serhiy Shefir eftir tilræðið. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Í gærmorgun var reynt að ráða aðalráðgjafa Volodomir Zelenskij, forseta Úkraínu, af dögum. Rúmlega tíu skotum var skotið á bíl Sergij Sjefirs, ráðgjafa forsetans, en hann slapp ómeiddur frá árásinni. Bílstjóri hans særðist. Árásin var gerð nærri bænum Lesniki nærri höfuðborginni Kiev.

Zelenskij sagði í sjónvarpi að árásinni yrði svarað af hörku en tók fram að ekki væri vitað hver eða hverjir stóðu að baki henni. „Í sannleika sagt þá veit ég ekki hverjir stóðu að baki árásinni. Hvaða öfl voru að verki? Geta það verið innlend öfl? Kannski erlend, ég veit það ekki,“ sagði hann og bætti við að það væri aumingjaskapur að skjóta á bíl vinar hans frá skógi. Zelenskij er sjálfur í New York þar sem hann sækir Allsherjarþing SÞ.

Rússar brugðust fljótt við fréttum af árásinni og sagði Dmitrij Peskov, talsmaður ríkisstjórnarinnar, að Rússar ættu enga aðild að henni og að tengja þá við hana væri ekki í neinum takti við raunveruleikann.

Oleksandr Kornijenko, formaður flokks Zelenskij, telur að Rússar geti hafa staðið að baki tilræðinu. „Við getum alls ekki útilokað tengingu við Rússland. Við þekkjum getu þeirra til að skipuleggja hryðjuverk í hinum ýmsu löndum,“ sagði hann.

Mikhailo Podoljak, annar ráðgjafi forsetans, telur að banatilræðið sé afleiðing af baráttu Zelenskij gegn auðmönnum sem kallast oft olígarkar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Milljarðamæringur byggir hús fyrir heimilislausa – 99 komin og fleiri á leiðinni

Milljarðamæringur byggir hús fyrir heimilislausa – 99 komin og fleiri á leiðinni
Pressan
Fyrir 2 dögum

Trumpaður út í Fox eftir viðtal við fyrrum þingforseta – „Enginn getur nokkurn tímann treyst Fox fréttastofunni“

Trumpaður út í Fox eftir viðtal við fyrrum þingforseta – „Enginn getur nokkurn tímann treyst Fox fréttastofunni“
Pressan
Fyrir 2 dögum

Kenning í máli unga mannsins sem hvarf á Tenerife gæti kollvarpað rannsókn málsins

Kenning í máli unga mannsins sem hvarf á Tenerife gæti kollvarpað rannsókn málsins
Pressan
Fyrir 2 dögum

4 ára stúlka fannst látin í skógi við hlið 6 ára slasaðrar systur sinnar

4 ára stúlka fannst látin í skógi við hlið 6 ára slasaðrar systur sinnar
Pressan
Fyrir 3 dögum

Fannst við strætóskýli – Gæti selst fyrir 5 milljarða

Fannst við strætóskýli – Gæti selst fyrir 5 milljarða
Pressan
Fyrir 4 dögum

Getur munnskolið þitt valdið krabbameini?

Getur munnskolið þitt valdið krabbameini?