fbpx
Miðvikudagur 06.júlí 2022
Pressan

WHO varar við – Banvæn veira fannst í Afríku – 80-90% dánartíðni

Kristján Kristjánsson
Þriðjudaginn 10. ágúst 2021 05:57

Marburgveira. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Alþjóðaheilbrigðismálastofnunin WHO varar við veiru sem varð manni að bana í Gíneu í Vestur-Afríku. Veiran heitir Marburgveira og er þetta í fyrsta sinn sem hún hefur fundist í Vestur-Afríku. Veiran er bráðsmitandi og banvæn en dánartíðni smitaðra er á milli 80 og 90%.

Sá sem lést bjó í bænum Guéckédougou. Marburgveiran er í ætt með Ebóluveirunni. Hún er sjaldgæf en hefur komið fram á ýmsum stöðum í Afríku síðustu 50 árin.

Fyrsta tilfellið var skráð 1967 en þá voru apar, sem voru smitaðir af veirunni, fluttir til Þýskalands og þáverandi Júgóslavíu þar sem þeir voru notaðir á tilraunastofum. Sjö starfsmenn tilraunastofanna létust af völdum veirunnar. 1975, 1980 og 1987 voru litlir faraldrar veirunnar í Afríku.

1998 til 2000 var faraldur veirunnar í Lýðstjórnarlýðveldinu Kongó og létust 125. 2004 og 2005 létust 227 lífið af völdum hennar í Angóla. Síðar létust 15 í Úganda af völdum hennar.

WHO segir að það verði að stöðva útbreiðslu veirunnar. „Hættan á að Marburgveiran berist hingað og þangað þýðir að við verðum að stöðva hana,“ segir Matshidiso Moeti, svæðisstjóri WHO í Afríku.

Yfirvöld í Gíneu vinna nú að smitrakningu og upplýsingaherferð er hafin í landinu til að fræða almenning um veiruna og stöðva smit. Sérfræðingar frá WHO eru komnir til landsins til að aðstoða við að stöðva útbreiðslu hennar.

Veiran berst í fólk frá ákveðinni tegund leðurblaka og berst síðan á milli fólks með beinni snertingu við líkamsvökva.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 1 viku

Vísindamenn telja að kynlíf geti unnið gegn frjókornaofnæmi

Vísindamenn telja að kynlíf geti unnið gegn frjókornaofnæmi
Pressan
Fyrir 1 viku

Karl Bretaprins þáði hundruðir milljóna frá katörskum sjeik

Karl Bretaprins þáði hundruðir milljóna frá katörskum sjeik
Pressan
Fyrir 1 viku

Þessi níu einkenni Ómíkron koma oft fram hjá fullbólusettum

Þessi níu einkenni Ómíkron koma oft fram hjá fullbólusettum
Pressan
Fyrir 1 viku

Ef þú getur ekki gert þetta í 10 sekúndur er útlitið svart

Ef þú getur ekki gert þetta í 10 sekúndur er útlitið svart
FréttirPressan
Fyrir 1 viku

Hæstaréttardómari tekinn nakinn á rúntinum í þriðja sinn á árinu

Hæstaréttardómari tekinn nakinn á rúntinum í þriðja sinn á árinu
Pressan
Fyrir 1 viku

Þetta verður um auðæfi Bill Gates að honum látnum

Þetta verður um auðæfi Bill Gates að honum látnum