fbpx
Miðvikudagur 06.júlí 2022
Pressan

Langir vinnudagar verða fólki að bana

Kristján Kristjánsson
Mánudaginn 24. maí 2021 09:30

Ætli hún vinni meira en 55 klukkustundir á viku?

Ekki missa af Helstu tíðindum dagsins í pósthólfið þitt

Lesa nánar

Árið 2016 létust 745.000 manns á heimsvísu af völdum hjartaáfalla og hjartasjúkdóma sem voru afleiðing þess að vinna minnst 55 klukkustundir á viku. Þetta er tæplega 30% aukning dauðsfalla af þessum orsökum síðan 2000.

Þetta eru niðurstöður nýrrar stórrar rannsóknar. Sky News skýrir frá þessu. Fram kemur að vísindamenn hjá Alþjóðaheilbrigðismálastofnuninni WHO telja að 745.000 manns hafi látist af völdum hjartaáfalla og hjartasjúkdóma, sem voru bein afleiðing langra vinnudaga, árið 2016. Þeir segja að heimsfaraldurinn geti gert stöðuna enn verri.

Rannsóknin leiddi í ljós að það eru 35% meiri líkur á að fá hjartaáfall og 17% meiri líkur á að deyja af völdum hjartasjúkdóms ef fólk vinnur 55 klukkustundir eða meira á viku samanborið við þá sem vinna í 35 til 40 klukkustundir.

Maria Neira, forstjóri umhverfisdeildar WHO, sagði að það að vinna 55 klukkustundir eða meira á viku hefði alvarlega heilsufarsáhættu í för með sér. „Það sem við viljum gera með þessar upplýsingar er að hvetja til aðgerða, að starfsfólk njóti meiri verndar,“ sagði hún.

72% þeirra sem létust voru karlmenn, miðaldra eða eldri, sem dóu margir hverjir eftir að hafa unnið langa vinnudaga árum saman. Flestir hinna látnu voru á aldrinum 60 til 79 ára og höfðu unnið 55 klukkustundir eða meira á viku þegar þeir voru á aldrinum 45 til 74 ára.

Rannsóknin náði yfir árin 2000 til 2016 en WHO segir að heimsfaraldurinn geti gert ástandið enn verra. Ástæðan er að þegar fólk vinnur heima hjá sér á það erfitt með að skilja á milli vinnunnar og einkalífsins og á sama tíma hafa verkefni aukist hjá mörgum því fyrirtæki hafa neyðst til að skera niður vegna faraldursins. WHO telur að minnsta kosti 9% fólks vinni langan vinnudag og segir að heimsfaraldurinn ýti undir þróun sem gæti leitt til lengri vinnudags.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 1 viku

Stjörnufræðingar telja sig hugsanlega hafa numið merki um tilvist vitsmunavera utan jarðarinnar

Stjörnufræðingar telja sig hugsanlega hafa numið merki um tilvist vitsmunavera utan jarðarinnar
Pressan
Fyrir 1 viku

Vísindamenn telja að kynlíf geti unnið gegn frjókornaofnæmi

Vísindamenn telja að kynlíf geti unnið gegn frjókornaofnæmi
Pressan
Fyrir 1 viku

Læknar voru agndofa þegar þeir sáu hvað var í maga mannsins

Læknar voru agndofa þegar þeir sáu hvað var í maga mannsins
Pressan
Fyrir 1 viku

Fundu áður óþekktan hóp ísbjarna á „ómögulegum“ stað

Fundu áður óþekktan hóp ísbjarna á „ómögulegum“ stað
Pressan
Fyrir 1 viku

Þess vegna áttu ekki að sofa með kveikt á viftu

Þess vegna áttu ekki að sofa með kveikt á viftu
Pressan
Fyrir 1 viku

Þessi níu einkenni Ómíkron koma oft fram hjá fullbólusettum

Þessi níu einkenni Ómíkron koma oft fram hjá fullbólusettum
Pressan
Fyrir 1 viku

Foreldrar hennar neyddu hana til að gefa barnið – 44 árum síðar gerðist svolítið frábært

Foreldrar hennar neyddu hana til að gefa barnið – 44 árum síðar gerðist svolítið frábært
FréttirPressan
Fyrir 1 viku

Hæstaréttardómari tekinn nakinn á rúntinum í þriðja sinn á árinu

Hæstaréttardómari tekinn nakinn á rúntinum í þriðja sinn á árinu