fbpx
Föstudagur 26.apríl 2024
Pressan

NASA gagnrýnir Kínverja fyrir ábyrgðarleysi í geimnum

Kristján Kristjánsson
Mánudaginn 10. maí 2021 22:30

Long March 5B þegar henni var skotið á loft 29. apríl. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Aðfaranótt sunnudags kom stjórnlaus kínversk eldflaug, Long March 5B, inn í gufuhvolf jarðar og brann upp að mestum hluta. En það sem ekki brann upp hrapaði í Indlandshaf. Kínverjar höfðu enga stjórn á eldflauginni og ekki var hægt að hafa nein áhrif á hvar hún hrapaði til jarðar. Þetta gagnrýnir Bandaríska geimferðastofnunin NASA.

CNN skýrir frá þessu. Fram kemur að Bill Nelson, yfirmaður hjá NASA, hafi í yfirlýsingu sagt að þær þjóðir, sem stunda geimferðir, eigi að lágmarka þá hættu sem fólki og öðru á jörðinni er búin þegar hlutir koma aftur til jarðarinnar. „Það þarf að vera hámarks gagnsæi í verkefnum sem þessu. Kínverjar bregðast og uppfylla ekki kröfur hvað varðar geimrusl,“ sagði Nelson.

Eldflaugin vóg 18 til 20 tonn en eins og áður segir brann megnið af henni upp í gufuhvolfinu en restin hrapaði í Indlandshaf.

Eldflaugin var send út í geim þann 29. apríl en hún flutti einingu í nýja geimstöð Kínverja á braut um jörðina. Þegar eldsneytið var á þrotum varð hún stjórnlaus og fór hring eftir hring um jörðina og nálgaðist hana sífellt vegna aðdráttarafls jarðarinnar.

Dpa segir að sérfræðingar telji að hönnun eldflaugarinnar skýri af hverju hún varð stjórnlaus. Hún sé hugsanlega hönnuð þannig að ekki sé hægt að stjórna hvar hún kemur til jarðar né hvenær.

Geimferðastofnanir reyna yfirleitt að forðast að missa stjórn á eldflaugum sínum. Áður en þeim er skotið á loft er gerð áætlun um hvenær og hvar eldflaugarnar eiga að koma aftur inn í gufuhvolfið. Yfirleitt eru þær látnar hrapa á afskekktum svæðum í Kyrrahafi. CNN segir að sumar eldflaugar séu einnig látnar fara á „kirkjugarðsbraut“ um jörðina en það er braut þar sem hægt er að geyma eldflaugar áratugum eða öldum saman ef út í það er farið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Nokkur ráð til að losna undan símafíkninni

Nokkur ráð til að losna undan símafíkninni
Pressan
Fyrir 2 dögum

Unglingur dæmdur í ævilangt fangelsi – Stakk ellilífeyrisþega í hjartað

Unglingur dæmdur í ævilangt fangelsi – Stakk ellilífeyrisþega í hjartað
Pressan
Fyrir 4 dögum

Sérfræðingurinn segir að þetta eigir þú að borða á kvöldin ef þig langar að byrja daginn á góðum hægðum

Sérfræðingurinn segir að þetta eigir þú að borða á kvöldin ef þig langar að byrja daginn á góðum hægðum
Pressan
Fyrir 4 dögum

Tíu ára drengur játar á sig morð: Var sjö ára þegar hann framdi voðaverkið

Tíu ára drengur játar á sig morð: Var sjö ára þegar hann framdi voðaverkið
FréttirPressan
Fyrir 4 dögum

Dularfulla skáldsagan sem spáði fyrir um Titanic-slysið – Var höfundurinn geðveikur eða skyggn?

Dularfulla skáldsagan sem spáði fyrir um Titanic-slysið – Var höfundurinn geðveikur eða skyggn?
Pressan
Fyrir 4 dögum

Hluti af San Andreas misgenginu gæti verið að setja sig í stellingar fyrir jarðskjálfta

Hluti af San Andreas misgenginu gæti verið að setja sig í stellingar fyrir jarðskjálfta