fbpx
Sunnudagur 20.september 2020
Pressan

Tveggja barna móðir tók einn sopa af bjór – Lést skömmu síðar

Kristján Kristjánsson
Þriðjudaginn 15. september 2020 05:34

Mynd úr safni. Mynd:EPA-EFE/SCOTT BARBOUR

Ekki missa af Helstu tíðindum dagsins í pósthólfið þitt

Lesa nánar

Í lok ágúst var sænsk kona á þrítugsaldri í samkvæmi í heimahúsi í Stokkhólmi. Þar voru góðir vinir, bjór og tónlist og því um gott laugardagskvöld að ræða. En allt tók þetta snöggan enda fyrir konuna þegar hún tók einn sopa af bjór.

Samkvæmt frétt Expressen þá var konunni boðinn bjór sem hún þáði. Hún tók við flöskunni, opnaði hana og tók sopa. Það varð henni að bana.

Þegar konan tók sopann skyrpti hún honum strax út og sagði nærstöddum að bjórinn væri hræðilegur á bragðið. Hún fór því næst inn á salerni til að skola munninn en skömmu síðar missti hún meðvitund og komst aldrei aftur til meðvitundar.

Rannsókn leiddi í ljós að bjórinn hafði ekki verið keyptur í búð, honum hafði verið stolið á lögreglustöð, úr geymslu þar sem haldlagðir munir eru geymdir. Starfsmaður á lögreglustöðinni fékk flöskuna hjá vinnufélaga sínum og tók hana með í samkvæmið. Síðan fékk konan sér sopa úr henni.

Það var ekki bjór í flöskunni heldur amfetamínbasi sem er grunnefni við amfetamínframleiðslu.

Konan var strax flutt á Södersjúkrahúsið í Stokkhólmi og sett í öndunarvél. Tveimur dögum síðar var slökkt á öndunarvélinni því læknar gátu ekki gert neitt meira fyrir hana.

Konan stundaði hjúkrunarfræðinám og lætur eftir sig tvær dætur, sjö og níu ára.

Málið er nú til rannsóknar hjá eftirlitsnefnd með störfum lögreglunnar því starfsmenn lögreglunnar eru grunaðir um afbrot.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fyrir 2 dögum

Flott veiði síðustu daga í Vatnamótunum

Flott veiði síðustu daga í Vatnamótunum
Pressan
Fyrir 2 dögum

Segir að milljónir Bandaríkjamanna gætu þurft að flytja til Kanada vegna versnandi ástands í Kaliforníu

Segir að milljónir Bandaríkjamanna gætu þurft að flytja til Kanada vegna versnandi ástands í Kaliforníu
Pressan
Fyrir 2 dögum

Fjögur morð í Danmörku og Svíþjóð á nokkrum klukkustundum

Fjögur morð í Danmörku og Svíþjóð á nokkrum klukkustundum
Pressan
Fyrir 2 dögum

Hafa haldið sig frá kosningabaráttu síðustu 175 ár – Blanda sér nú í bandarísku forsetakosningarnar

Hafa haldið sig frá kosningabaráttu síðustu 175 ár – Blanda sér nú í bandarísku forsetakosningarnar
Pressan
Fyrir 3 dögum

Tveir unglingar handteknir – Grunaðir um morð í Kaupmannahöfn

Tveir unglingar handteknir – Grunaðir um morð í Kaupmannahöfn
Pressan
Fyrir 3 dögum

Seldi notaðar nærbuxur á netinu – Viðskiptavinum brá mjög þegar þeir komust að hver hafði átt þær

Seldi notaðar nærbuxur á netinu – Viðskiptavinum brá mjög þegar þeir komust að hver hafði átt þær