Að minnsta kosti 23 lík fundust í fjöldagröf nærri lögreglustöð í útjaðri Guadalajara í Mexíkó í síðustu viku. Í fréttatilkynningu frá yfirvöldum segir að 23 lík hafi fundist í gröfinni auk fjögurra poka með ýmsum sönnunargögnum. Kennsl hafa verið borin á þrjú lík.

Fjöldagröfin var á milli tveggja húsa. Fórnarlömbin tengjast að sögn átökum innan eiturlyfjahringsins Jalisco Nueva Generación.

Þetta er ekki í fyrsta sinn sem fjöldagröf finnst í Guadalajara. Í janúar fundust 29 lík en þá fannst þriðja fjöldagröfin frá því í nóvember 2019 í bænum.