fbpx
Mánudagur 23.nóvember 2020
Pressan

Belgískur læknir neitaði að nota andlitsgrímu og smitaði 100 sjúklinga af kórónuveirunni

Kristján Kristjánsson
Fimmtudaginn 22. október 2020 05:13

Kórónuveira. Mynd: BSIP/UIG Via Getty Images)

Ekki missa af Helstu tíðindum dagsins í pósthólfið þitt

Lesa nánar

Belgísk heilbrigðisyfirvöld eru gríðarlega ósátt við heimilislækni einn þar í landi sem neitaði að nota munnbindi og smitaði að minnsta kosti 100 sjúklinga af kórónuveirunni. Upp komst um málið þegar yfirvöld í Kruisem tóku eftir óvenjulegri aukningu á smitum.

Brussels Times skýrir frá þessu. Í ljós kom að flest hinna nýju smita tengdust sama lækninum. Hann hafði greinst með smit viku áður. Sjúklingar hans sögðu að hann hefði oft neitað að nota andlitsgrímu eða sett hana vitlaust á.

„Það er óskiljanlegt og algjört hneyksli að heimilislæknir geti verið svo ábyrgðarlaus. Sem læknir verður þú að vera til fyrirmyndar,“

sagði Farah Vansteenbrugge, sérfræðingur í heilbrigðismálum.

Belgía var meðal þeirra Evrópuríkja sem fóru verst út úr fyrstu bylgju heimsfaraldursins í vor og mál læknisins kemur upp á sama tíma og önnur bylgja faraldursins er skollin á landinu af fullum þunga. 11 milljónir búa í Belgíu og þar hafa 816 smit greinst á hverja 100.000 íbúa síðustu sjö daga. Aðeins í Tékklandi er smithlutfallið hærra.

Frank Vandenbroucke, heilbrigðisráðherra, segir ástandið í höfuðborginni Brussel og í suðurhluta landsins vera „það hættulegasta í Evrópu“. Hann segir að nýsmitum fjölgi svo hratt að hætta sé á að sjúkrahús landsins yfirfyllist. Hann segir að „flóðbylgja“ sé í uppsiglingu og að yfirvöld nái ekki að halda í við hana.

Belgía er í þriðja sæti á heimsvísu hvað varðar andlát af völdum COVID-19 á hverja 100.000 íbúa. Aðeins í Perú og San Marino er hlutfallið hærra.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 3 dögum

Grunar að morðinginn hafi borðað fórnarlambið

Grunar að morðinginn hafi borðað fórnarlambið
Pressan
Fyrir 3 dögum

Dýraverndunarsamtök ósátt við fyrirhugaða krókódílaræktun – Hyggjast vera með 50.000 dýr

Dýraverndunarsamtök ósátt við fyrirhugaða krókódílaræktun – Hyggjast vera með 50.000 dýr
Pressan
Fyrir 3 dögum

Endurtalningu er lokið í Georgíu – Úrslitin standa

Endurtalningu er lokið í Georgíu – Úrslitin standa
Pressan
Fyrir 3 dögum

Hörð gagnrýni á „The Crown“ – Segir að þættirnir stefni konungdæminu í hættu

Hörð gagnrýni á „The Crown“ – Segir að þættirnir stefni konungdæminu í hættu
Pressan
Fyrir 4 dögum

Danska lögreglan leitar að líki Maria – Hræðilegar upplýsingar hafa komið fram í málinu

Danska lögreglan leitar að líki Maria – Hræðilegar upplýsingar hafa komið fram í málinu
Pressan
Fyrir 4 dögum

Herða sóttvarnaaðgerðir í Bandaríkjunum – Þakkargjörðarhátíðin í hættu

Herða sóttvarnaaðgerðir í Bandaríkjunum – Þakkargjörðarhátíðin í hættu