fbpx
Miðvikudagur 05.október 2022
Pressan

Vísindamenn aflífa svefnmýtu

Kristján Kristjánsson
Þriðjudaginn 5. mars 2019 21:30

Ekki missa af Helstu tíðindum dagsins í pósthólfið þitt

Lesa nánar

Það getur verið ljúft og gott að sofa lengi um helgar. Þá hleður maður batteríin og er tilbúinn undir nýja viku. Eittvað á þessa leið hljóðar mýtan en vísindamenn setja nú stórt spurningamerki við hana. Því þrátt fyrir að það geti verið gott að sofa svolítið meira um helgar en á virkum dögum þá breytir það engu fyrir líkamann, batteríin hlaðast ekki.

BBC skýrir frá þessu. Fram kemur að vísindamenn við Colorado Boulder University í Bandaríkjunum hafi rannsakað þrjá hópa fólks. Tveir hópar sváfu of lítið á virkum dögum eða fimm klukkustundir á nóttu. Annar svefnlitli hópurinn fékk að sofa lengur um helgar en hinn var látinn halda áfram að sofa of lítið. Þriðji hópurinn fékk nægan svefn eða níu klukkustundir á nóttu.

Svefnskorturinn hafði þau áhrif á báða hópana að þeir borðuðu meira á kvöldin, þyngdust og heilsufar þeirra var verra en hjá þeim sem fengu nægan svefn. Rannsóknin stóð yfir í 14 daga og á þeim tíma þyngdust þátttakendur að meðaltali um 1 kíló.

Hópurinn sem fékk aukahvíld um helgar bætti stöðu sína lítillega um helgar, borðaði til dæmis minna milli mála, en þessi bættu áhrif hurfu eins og dögg fyrir sólu þegar ný vika með tilheyrandi svefnskorti hófst.

Þátttakendur voru 36 talsins á aldrinum 18 til 39 ára.

Malcoom von Schantz, prófessor, segir að þrátt fyrir að það gagnist ekki að sofa lengur um helgar til að bæta upp svefnskort vikunnar þá eigi fólk að leyfa sér að sofa lengur ef það hefur tök á.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

„Ódýr“ jólagjöf foreldranna til barnanna sló svo sannarlega í gegn

„Ódýr“ jólagjöf foreldranna til barnanna sló svo sannarlega í gegn
Pressan
Fyrir 2 dögum

Bragðið af grænkáli fær ófædd börn til að gretta sig

Bragðið af grænkáli fær ófædd börn til að gretta sig
Pressan
Fyrir 3 dögum

Ný norræn rannsókn – Umhverfið hefur meiri áhrif en erfðir hvað varðar ristilkrabbamein

Ný norræn rannsókn – Umhverfið hefur meiri áhrif en erfðir hvað varðar ristilkrabbamein
Pressan
Fyrir 3 dögum

Telja að það séu 2,5 milljónir maura á hvern einasta jarðarbúa

Telja að það séu 2,5 milljónir maura á hvern einasta jarðarbúa
Pressan
Fyrir 4 dögum

Telja sig hafa fundið líkamsleifar drengsins 58 árum eftir morðið

Telja sig hafa fundið líkamsleifar drengsins 58 árum eftir morðið
Pressan
Fyrir 5 dögum

Særðust í skotárás í Svíþjóð

Særðust í skotárás í Svíþjóð