Hún var stundum nefnd „brauðkassinn“ vegna útlits hennar. Þetta er 8 bita tölva til heimilisnota og naut hún gríðarlegra vinsælda á níunda áratugnum. Hún var mikið notuð við einföld skrifstofustörf og fyrir frekar einfalda (að minnsta kosti á nútímamælikvarða) tölvuleiki.
Minni hennar takmarkaðist við 64 kb en það er á við langan tölvupóst í dag. Tölvan var seld á 595 dollara á sínum tíma. CNN Business skýrir frá þessu.
Nýja útgáfan er fullkomnari útgáfa af „míniútgáfu“ af henni sem kom á markaðinn á síðasta ári. Í nýju útgáfunni er lyklaborð í fullri stærð og að sjálfsögðu með útliti sem hæfir níunda áratugnum. Klassískur stýripinni fylgir með og vel valdir leikir, þar á meðal Speedball og Cyberdyne Warrior.
Sala hefst í desember og mun stykkið kosta tæplega 200 dollara.
Commodore 64 er mest selda tölva allra tíma samkvæmt skráningu heimsmetabókar Guiness.