The Guardian segir að John hafi gengið upp á hæð í leit að félögum sínum. Skyndilega hafi málmleitartæki hans farið að væla. „Það var greinilegt að það var málmur þarna, en ég hélt að það væri bara gömul niðursuðudós eða eitthvað álíka,“ sagði John í samtali við The Guardina.
Hann gróf um 20 cm áður en hann fann undarlega lagaðan hlut sem lá í kalki. Þetta reyndist vera 61 cm langt sverð sem var brotið í þrjá hluta, líklega vísvitandi. Skeftið var að sögn John „einstakt“ en það var skorið út til að líkjast viði. Þetta er eitt af þremur þekktum sverðum af þessari tegund sem fundist hafa á Bretlandseyjum.
Hann gróf lengra niður og fann öxi og armband.
John sagðist hafa áttað sig á að þetta væru hlutir frá bronsöld. „Sverðsblaðið var enn beitt,“ sagði hann.
Munirnir eru nú í vörslu Dorset Museum.