fbpx
Miðvikudagur 21.október 2020
Pressan

Hryðjuverk í tveimur moskum á Nýja-Sjálandi – Margir myrtir

Kristján Kristjánsson
Föstudaginn 15. mars 2019 04:13

Skjáskot af útsendingu ABC frá því á föstudaginn.

Ekki missa af Helstu tíðindum dagsins í pósthólfið þitt

Lesa nánar

Lögreglan í Christchurch á Nýja-Sjálandi segir að margir hafi verið myrtir í árásum á tvær moskur þar í nótt að íslenskum tíma, síðdegis að staðartíma. Einn er í haldi lögreglunnar vegna árásanna en lögreglan telur að fleiri hafi verið að verki. Öllum skólum í borginni hefur verið lokað og þungvopnaðir lögreglumenn hafa tekið sér stöðu á mikilvægum stöðum í borginni.

Mike Bush, lögreglustjóri, sagði að alvarlegir atburðir séu nú að eiga sér stað í borginni. Lögreglan hafi brugðist við af öllum mætti en mikið hættuástand ríki í borginni.

Sky skýrir frá þessu. Svo virðist sem árásarmaður hafi sent út í beinni útsendingu á samfélagsmiðlum þegar hann fór inn í mosku með skotvopn á lofti. Moskur í borginni hafa verið hvattar til að loka og fólk hefur verið beðið að halda sig fjarri þeim.

The Guardian hefur eftir lögreglunni að á öðrum stað í borginni hafi fundist sprengja í bíl.

Ekki hefur verið gefið út hversu margir eru látnir og slasaðir en vitni sagði AP að tugum skota hafi verið hleypt af. Tugir fólks eru að jafnaði við bænahald síðdegis. Vitnið segir að skothríðin hafi varað í um 20 mínútur og að byssumaðurinn hafi gengið skipulega til verks og farið á milli herbergja í moskunni.

Skotárásir sem þessar, þar sem ráðist er á fjölda manns í einu, eru afar sjaldgæfar á Nýja-Sjálandi. Síðast gerðist það 1990 í litla þorpinu Aramoana þar sem 13 voru skotnir til bana auk árásarmannsins.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Áhrifavaldur sagði fylgjendum sínum að COVID-19 væri ekki til – Lést af völdum veirunnar

Áhrifavaldur sagði fylgjendum sínum að COVID-19 væri ekki til – Lést af völdum veirunnar
Fyrir 2 dögum

Vatnsá endaði í 196 löxum

Vatnsá endaði í 196 löxum
Pressan
Fyrir 2 dögum

Heimilislæknirinn sem sjúklingarnir treystu – Var allt annað en traustsins verður

Heimilislæknirinn sem sjúklingarnir treystu – Var allt annað en traustsins verður
Pressan
Fyrir 3 dögum

Kettir brosa – Nota óvenjulega aðferð til þess

Kettir brosa – Nota óvenjulega aðferð til þess
Pressan
Fyrir 4 dögum

Xi segir kínverskum hermönnum að undirbúa sig undir stríð

Xi segir kínverskum hermönnum að undirbúa sig undir stríð
Pressan
Fyrir 4 dögum

Fyrir 500 milljónum ára var sólarhringurinn tveimur klukkustundum styttri

Fyrir 500 milljónum ára var sólarhringurinn tveimur klukkustundum styttri