Raðgreining Íslenskrar erfðagreiningar hefur leitt í ljós að 16 einstaklingar sem ekki hefur tekist að tengja með neinum hætti eru með sama stökkbreytingamynstur af veirunni „Og það er þessi eina tegund af veirunni sem er að leggja undir sig landið,“ segir Kári Stefánsson, forstjóri Íslenskrar erfðagreiningar, í samtali við RÚV.
Hann átti fund með þríeykinu svokallaða í dag þar sem ákveðið var að skimum ÍE verður frekar beint að fólki í kring um þá sem hafa sýkst frekar en að taka slembiúrtak.
„Ég held að næsta vika verði mjög afgerandi. Annað hvort kemur þetta smit til með að hjaðna eða það verður sprenging og þetta breiðist út sem ný bylgja af þessum faraldri. Ég held að það séu um helmings líkur á hvoru um sig,“ segir Kári við RÚV.