fbpx
Fimmtudagur 16.júlí 2020
Fréttir

Þetta er Hlynur á steypubílnum – Þrítugsafmælið fór úr böndunum – Harmsaga ungra hjóna – „Ég vona að ég fái manninn minn aftur“

Hjálmar Friðriksson
Mánudaginn 23. mars 2020 16:29

Ekki missa af Helstu tíðindum dagsins í pósthólfið þitt

Lesa nánar

Maður sem situr í gæsluvarðhaldi grunaður um að aðild að eldsvoða á skemmtistaðnum Pablo Discobar í Veltustundi 1 í síðustu viku og þar áður talinn hafa stolið steypubíl af byggingarsvæði í miðbænum og ekið á ofsahraða á móti umferð eftir Sæbraut á flótta undan lögreglu heitir Hlynur Geir Sigurðarson og er nýlega orðinn þrítugur. Þjófnaðurinn á steypubílnum átti sér stað í kjölfar þrítugsafmælis mannsins.

Hér liggur harmsaga að baki sem áður var falleg ástarsaga. DV náði sambandi við eiginkonu Hlyns en þau áttu tveggja og hálfs árs edrútíma saman áður en Hlynur fór í neyslu aftur fyrir nokkrum vikum. Eiginkona hans féll í kjölfarið líka. Þau eiga stúlkubarn á öðru ári.

Hlynur hvarf af heimili sínu er hann féll í neyslu aftur og hafði ekki samband við eiginkonu sína, að hennar sögn. Hún hafði leitað að honum í þrjár vikur þegar atvikið með steypubílinn varð. Í millitíðinni milli þess atviks og brunans í Veltusundi hafði hún upp á honum í miðbænum. Þar skýrði Hlynur henni frá því að hann hefði stolið steypubíl til að fara til hennar er hann frétti að hún hefði tekið of stóran skammt af fíkniefnum. Konan áttaði sig ekki fyrst á því hvað þarna bjó að baki: „Ég hélt bara að hann væri í einhverju geðrofi að tala um steypubíl en svo sá ég þetta í fréttunum,“ segir hún.

Að sögn eiginkonunnar hafði Hlynur verið edrú í 18 mánuði þegar þau kynntust og við tók góður edrútími í viðbót, tvö og hálft ár. Þau giftust og eignuðust barn. Nú óskar eiginkonan þess heitast að þau geti sameinast á ný og orðið edrú hjón og foreldrar aftur saman.

„Ég vona að ég fái manninn minn aftur,“ segir hún og vonast til að gæsluvarðhaldið verði til góðs en Hlynur var úrskurðaður í mánaðarlangt gæsluvarðhald og vonast eiginkonan til að hann verði ekki í neyslu þann tíma.

Lögregla gat ekki gefið upplýsingar um rannsókn málsins aðrar en þær að beðið væri gagna frá tæknideild um brunann. Steypubílsmálið virðist hins vegar vera upplýst.

Þriggja ára fangelsi fyrir alvarlega líkamsárás

Hlynur Geir á að baki nokkurn sakaferil en alvarlegasta afbrotið hingað til var vafalaust þegar hann stakk mann um tvítugt fjórum sinnum árið 2012 á Ólafsfirði. Fyrir það hlaut hann þriggja ára fangelsisdóm árið 2014. Í umfjöllun um málið frá þeim tíma var greint frá því að atvikið hefði átt sér stað í heimahúsi við Aðalgötu.

Hlynur er sagður hafa stungið manninn, samkvæmt frétt Vísis, í „vinstri öxl, ofarlega hægra megin í brjóstkassa, við hægri mjaðmarspaða og neðarlega í hægri síðu. Smaug hnífurinn í gegnum kviðvegg og inn í lifur.“ Maðurinn var við dauðans dyr en skjót viðbrögð urðu til þess að hann var ekki talinn í lífshættu þegar hann komst undir læknishendur á Akureyri.

Lokað er fyrir athugasemdir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fréttir
Í gær

Fleiri týnd börn í júní en áður

Fleiri týnd börn í júní en áður
Fréttir
Í gær

Ný framkvæmdasjá Veitna ohf segir þér allt um framkvæmdir í þínu hverfi

Ný framkvæmdasjá Veitna ohf segir þér allt um framkvæmdir í þínu hverfi
Fréttir
Í gær

Segir að kjör sem flugáhafnir Icelandair hafi notið verði líklega aldrei í boði aftur

Segir að kjör sem flugáhafnir Icelandair hafi notið verði líklega aldrei í boði aftur
Fréttir
Í gær

Ingileif á hundruð þúsunda útistandandi hjá SAS og þorir ekki að kaupa flugmiða hjá þeim til Íslands

Ingileif á hundruð þúsunda útistandandi hjá SAS og þorir ekki að kaupa flugmiða hjá þeim til Íslands
Fréttir
Fyrir 2 dögum

Engin Þjóðhátíð 2020 – Gríðarlega vel þeginn stuðningur að fá miðann ekki endurgreiddan

Engin Þjóðhátíð 2020 – Gríðarlega vel þeginn stuðningur að fá miðann ekki endurgreiddan
Fréttir
Fyrir 2 dögum

Gul viðvörun á hálendinu og úrhelli framundan

Gul viðvörun á hálendinu og úrhelli framundan
Fréttir
Fyrir 2 dögum

„Miklu verra að segjast vera hægri sinnaður heldur en hommi“

„Miklu verra að segjast vera hægri sinnaður heldur en hommi“
Fréttir
Fyrir 2 dögum

Fangaverðir mótmæla lokun fangelsisins á Akureyri

Fangaverðir mótmæla lokun fangelsisins á Akureyri