fbpx
Mánudagur 06.apríl 2020
Eyjan

Landsvirkjun svarar ásökunum Vilhjálms – „Ekkert er fjær sanni“

Ritstjórn Eyjunnar
Miðvikudaginn 23. október 2019 14:45

Ekki missa af Helstu tíðindum dagsins í pósthólfið þitt

Lesa nánar

Vilhjálmur Birgisson, formaður Verkalýðsfélags Akraness, hefur ekki sparað stóru orðin í garð Landsvirkjunar undanfarin misseri, en hann segir hátt orkuverð Landsvirkjunar til stórnotenda rafmagns á Grundartanga vísvitandi gert til að „slátra“ þeim fyrirtækjum, svo réttlæta megi lagningu sæstrengs til landsins, til sölu á umframorku. Þá segir hann einnig að hátt orkuverð leiði til lægri launa sinna umbjóðenda og niðurskurðar sem endi með uppsögnum á starfsfólki í geiranum.

Eyjan hefur fjallað mikið um gagnrýni Vilhjálms og birti fyrir helgi frétt þar sem Vilhjálmur sakaði forstjóra Landsvirkjunar um lygar.

Sjá nánar: Vilhjálmur um forstjóra Landsvirkjunar – „Laug hann vísvitandi að íslensku þjóðinni“

Hefur Landsvirkjun nú svarað þeirri frétt.

Rangfærslur hjá Vilhjálmi

Í tilkynningu Landsvirkjunar eru ásakanir Vilhjálms bornar til baka og sagðar rangar:

„Landsvirkjun er falið að semja fyrir hönd þjóðarinnar við alþjóðleg stórfyrirtæki um sölu á endurnýjanlegri orku. Því fylgir mikil ábyrgð, þar sem um er að ræða eina mikilvægustu viðskiptasamninga sem gerðir eru á Íslandi og eru miklir hagsmunir undir. Að undanförnu höfum við legið endurtekið undir ámæli frá formanni Verkalýðsfélags Akraness fyrir að ætla að „slátra“ viðskiptavinum okkar eins og Elkem með óbilgirni í samningaviðræðum. Ekkert er fjær sanni. Markmið okkar í þessum samningum er að bjóða samkeppnishæf kjör, sambærileg því sem best gerist annars staðar.“

Hagstæðasta verðið

Vilhjálmur staðhæfði að Landsvirkjun hefði farið með staðlausar staðreyndir varðandi orkuverð, það væri ekki það ódýrasta sem í boði væri líkt og Landsvirkjun hafði haldið fram.

Landsvirkjun heldur hinsvegar fast við sinn keip:

„Við höfum áður sagt að samningur við Elkem á Grundartanga, eftir ákvörðun gerðardóms, feli í sér rafmagnsverð sem nái ekki meðalkostnaðarverði virkjana okkar. Fram hafa komið staðhæfingar um að þar höfum við einungis átt við kostnaðarverð nýrra virkjanakosta, en það er rangt. Raforkuverð í nýjum samningi Elkem nær hvorki kostnaðarverði núverandi virkjana Landsvirkjunar né nýrra virkjanakosta.

Við höfum einnig sagt að samningur Elkem sé á meðal þeirra hagstæðustu sem í gildi séu í heiminum. Fram hafa komið staðhæfingar um að ríkisstyrkir séu ekki séu teknir með við samanburð okkar, en það er rangt. Greiningar Landsvirkjunar eru unnar í samvinnu við stór alþjóðleg ráðgjafarfyrirtæki sem sérhæfa sig í greiningum af þessu tagi. Í þeim samanburði tökum við tillit til ríkisstyrkja sem fyrirtæki njóta, m.a. í Noregi. Að teknu tilliti til alls þessa er raforkusamningur Elkem einn sá hagstæðasti sem er í boði.“

Vandræði stóriðju er afurðarverð, ekki orkuverð

Að lokum segir Landsvirkjun að stóriðjurekstur sé krefjandi um heim allan, en það sé ekki orkuverði Landsvirkjunar um að kenna, heldur lágs afurðarverðs:

„Hafa ber í huga að rekstrarumhverfi stóriðjufyrirtækja um allan heim er krefjandi um þessar mundir og þar með talið á Íslandi – ekki vegna raforkuverðs Landsvirkjunar – heldur fyrst og fremst vegna lágs afurðaverðs sem má meðal annars rekja til viðskiptastríðs Bandaríkjanna og Kína.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Heilbrigðiseftirlitið: Þetta þurfa fyrirtæki að hafa í huga við heimsendingar – „Enginn heimsendir“

Heilbrigðiseftirlitið: Þetta þurfa fyrirtæki að hafa í huga við heimsendingar – „Enginn heimsendir“
Eyjan
Fyrir 2 dögum

Snilldarlegar- og sögulegar spennusögur loks á íslensku

Snilldarlegar- og sögulegar spennusögur loks á íslensku
Eyjan
Fyrir 3 dögum

Enn bætist í bakvarðasveit heilbrigðisþjónustunnar – Yfir 1000 manns skráðir

Enn bætist í bakvarðasveit heilbrigðisþjónustunnar – Yfir 1000 manns skráðir
Eyjan
Fyrir 3 dögum

Yfirlæknir á Landspítalanum – „Hvernig er hægt að fara á fætur og horfa á sjálfan sig í spegli þegar maður ber ábyrgð á þeirri ákvörðun?“

Yfirlæknir á Landspítalanum – „Hvernig er hægt að fara á fætur og horfa á sjálfan sig í spegli þegar maður ber ábyrgð á þeirri ákvörðun?“
Eyjan
Fyrir 3 dögum

Ágúst með sjö óþægilegar spurningar til stjórnarliða vegna Covid19 – „Af hverju?“

Ágúst með sjö óþægilegar spurningar til stjórnarliða vegna Covid19 – „Af hverju?“
Eyjan
Fyrir 3 dögum

Leggur til stofnun sérstaks Geðráðs þar sem staðan muni aðeins versna – „Gleymum ekki geðheilsu í björgunarpökkunum“

Leggur til stofnun sérstaks Geðráðs þar sem staðan muni aðeins versna – „Gleymum ekki geðheilsu í björgunarpökkunum“
Eyjan
Fyrir 4 dögum

Þingmaður Samfylkingarinnar segir erfitt að hlýða Víði – „Hlýðninni eru takmörk sett“

Þingmaður Samfylkingarinnar segir erfitt að hlýða Víði – „Hlýðninni eru takmörk sett“
Eyjan
Fyrir 4 dögum

Aðalsteinn Leifsson tekur við embætti ríkissáttasemjara

Aðalsteinn Leifsson tekur við embætti ríkissáttasemjara