Landsréttur hefur staðfest úrskurð héraðsdóms um að eigandi veitingastaðarin Gríska húsið við Laugaveg skuli borinn úr úr leiguhúsnæði. Útburðarkrafan kom í kjölfar húsleitar sem gerð var í fasteigninni þann 13. júní síðasta sumar en veitingastaðnum var lokað í kjölfarið. Leigusalinn rifti síðan leigusamningnum við eiganda veitingastaðarins þann 20. júní.

Húsleitin var gerð í samvinnu lögreglu, Heilbrigðiseftirlitsins, Skattsins, Tollsins, ASÍ og Bjarkarhlíð. Var húsleitin gerð vegna rökstudds grunar um fíkniefnamisferli, peningaþvætti og mansal. Í húsleitinni kom í ljós að tveir starfsmenn á veitingastaðnum höfðu svefnstað í geymslurými í kjallara húsnæðisins.

Í málsástæðum leigusalans í úrskurði héraðsdóms segir meðal annars:

„Þá  vísar  gerðarbeiðandi  til  húsleitarinnar  sem  lögregla  gerði  13.  júní,  í  samstarfi  við  Heilbrigðiseftirlit Reykjavíkur, Skattinn, Tollstjóra, vinnustaðaeftirlit ASÍ og Bjarkarhlíð, stuðningssamtök hins opinbera og  ýmis  samtök  um  aðstoð  við  fórnarlömb  ofbeldis.  Tilgangur  aðgerðanna  hafi  samkvæmt  lögreglu  verið rökstuddur grunur um fíkniefnamisferli og mansal á veitingastað gerðarþola. Þrír hafi verið handteknir á  vettvangi. Rannsókn málsins sé umfangsmikil og standi enn yfir samkvæmt upplýsingum frá lögreglu. Þá vísar gerðarbeiðandi til þess að staðurinn hafi verið innsiglaður af Heilbrigðiseftirliti Reykjavíkurborgar sem lokaði fyrir allan aðgang að hinu leigða, bæði gagnvart gerðarþola og gerðarbeiðanda. Gerðarbeiðandi kveður sér ókunnugt um stöðu málsins hjá yfirvöldum en samkvæmt fyrirliggjandi upplýsingum sé málið enn til rannsóknar og hið leigða því enn álitiðvettvangur ætlaðra refsiverðra afbrota.“

Úrskurðir Landsréttar og héraðsdóms í málinu má lesa hér.

Fréttinni hefur verið breytt