Karlmaður um fertugt var í dag í Héraðsdómi Reykjavíkur úrskurðaður í gæsluvarðhald til 1. nóvember á grundvelli rannsóknarhagsmuna að kröfu Lögreglunnar á höfuðborgarsvæðinu í þágu rannsóknar hennar á andláti konu á sjötugsaldri í gærkvöld.

Lögreglu barst tilkynning um málið um miðnætti og héldu viðbragðsaðilar þegar á vettvang, sem var í íbúð fjölbýlishúss í Breiðholti. Strax voru hafnar endurlífgunartilraunir, en þær báru því miður ekki árangur og var konan úrskurðuð látin.

Sjá einnig: Andlát konu á sjötugsaldri var fyrst tilkynnt sem meiriháttar líkamsárás í Breiðholti

Maðurinn, sem var handtekinn á staðnum, er sonur hinnar látnu.

Ekki er unnt að veita frekari upplýsingar að svo stöddu.