Trump kynnti um helgina nýja skólínu á Sneaker Con-ráðstefnunni í Philadelphiu um helgina.
Eins og myndin ber með sér er ekki um að ræða neina venjulega svarta spariskó. Trump-skórnir eru gulllitaðir og skreyttir með bandaríska fánanum að ofanverðu. Þá er bókstafurinn T á hlið þeirra sem táknar eftirnafn forsetaframbjóðandans, Trump.
Skórnir kosta 399 dollara, eða 55 þúsund krónur, og eru fáanlegir á vefsíðunni GetTrumpSneakers.com. Þeir sem vilja lykta eins og Trump geta einnig keypt þar Victory47-ilmvatnið hans fyrir 99 dollara.
„Mig hefur langað að gera þetta í langan tíma,“ sagði Trump þegar hann kynnti skóna.
Í frétt Wall Street Journal kemur fram að allar stærðir hafi selst upp þegar skórnir fóru í sölu um helgina.
