Fram kemur í auglýsingunni að umsækjendur þurfi að vera undir þrítugu og verði að senda mynd af sér í bikiníi eða sundbol með umsókninni.
La Stampa segir að launin fyrir starfið séu 500 evrur á mánuði sem þykir ansi lítið. En auk þess að fá lág laun þurfa umsækjendur að senda mynd af sér í bikiníi eða sundfatnaði með umsókninni. Einnig kemur fram í auglýsingunni að leitað sé að „litríkum“ konum sem séu aðlaðandi í útliti.
The Guardian hefur eftir Chiara Marciani, borgarfulltrúa í Napólí, að auglýsingin sé fáránleg: „Þetta er hneyksli og fyrir því eru margar ástæður. Sú fyrsta er að auglýsa eftir konu yngri en 30 ára og bjóða upp á laun sem eru fáránleg og ekki í neinu samræmi við starfið.“
Auglýsingin hefur nú verið dregin til baka og talsmenn fyrirtækisins bera fyrir sig að „óreyndur starfsmaður“ hafi samið þessa „óviðeigandi“ auglýsingu. En málinu er ekki þar með lokið, alls ekki.
Andrea Orlando, atvinnumálaráðherra, hefur nú fengið málið inn á borð til sín og hefur beðið viðeigandi stofnanir að skoða það.