Eigandi tveggja vinsælla veitingastaða í Houston, Texas, BNA, er talinn hafa myrt eiginkonu sína og tvö börn, og síðan tekið eigið líf.

Maðurinn hét Matthew Mitchell og var 52 ára gamall. Eiginkona hans, Thy Mitchell, var 38 ára, og þau áttu tvö börn, 8 ára stúlku og 4 ára dreng.

Viðbragðsaðilar komu að heimili fjölskyldunnar í kjölfar símtals frá áhyggjufullum aðila sem ekki hafði náð samband við fólkið um tíma. Aðstæður og sönnunargögn á vettvangi gefa til kynna að Mitchell hafi skotið eiginkonu sína og börn til bana og síðan skotið sjálfan sig.

Engar upplýsingar hafa komið fram um ástæður fyrir ódæðinu en hjónin virtust njóta velgengni og veitingastaðirnir tveir í eigu Matthew Mitschell hafa notið vinsælda.

Sjá nánar um málið hér.