Dæmi um slíkt er til dæmis þegar Ari Edwald, oddviti Miðflokksins, fór í bíltúr niður göngugötuna í Austurstræti á nagladekkjunum.
Bjarni Fritzson, rithöfundur, fyrrverandi landsliðsmaður í handbolta og frambjóðandi Sjálfstæðisflokksins í borginni, birtist í skemmtilegu myndbandi á Facebook í morgun þar sem hann freistar þess að hjóla með ruslið sitt í endurvinnslustöð Sorpu.
„Heyrðu, ég veit ekki hvort þú varst búinn að frétta það en Reykjavíkurborg var að opna glænýjan hjólastíg við Sorpu,” segir Bjarni sem er Breiðhyltingur í húð og hár.
„Þannig að núna get ég passað betur upp á kolefnissporið mitt, sinnt bíllausa lífsstílnum mínum ennþá betur og hjólað með allt ruslið í Sorpu!,” sagði Bjarni.
Í myndbandinu sést svo þegar Bjarni fer á hjólið með nokkra poka af rusli og kemur sér á Sorpu nokkuð auðveldlega – enda í fínu formi eftir farsælan handboltaferil.
Bjarni fær þó ákveðinn skell þegar starfsmaður bendir honum á að óheimilt er að losa timbur á úrvinnslustöð Sorpu í Breiðholti og þarf hann því að fara á næstu stöð sem er á Sævarhöfða.
„En, ég meina, ég fæ bara góða útiveru út úr því og það er ekki nema svona 30 mínútna hjólatúr, en hvað gerir maður ekki fyrir bíllausan lífsstíl?”
Myndband Bjarna vakti talsverða athygli á Facebook og sitt sýndist hverjum um uppátæki hans. Ýmsar spurningar vöknuðu þó hjá virkum í athugasemdum.
„Af hverju tókstu ekki kassana í sundur? Af hverju varstu að stytta þér leið yfir nýlagt gras að mér sýndist? Og af hverju varstu ekki með hjálm,“ spurði til dæmis einn.
Hér að neðan má svo sjá annað myndband frá Bjarna þar sem hann freistar þess að spila golf á „stærsta golfvelli sögunnar“ þar sem eru yfir 30 þúsund holur. Sjón er sögu ríkari.
