Fjölskylda ein á bóndabæ á Kangaroo Island, úti fyrir suðurströnd Ástralíu, skammt frá borginni Adelaide, varpaði þó ljósi á það hversu grafalvarleg staðan er.
Meðfylgjandi myndband var tekið þann 3. janúar síðastliðinn og sýnir það hvernig eldtungurnar umkringja heimili fjölskyldunnar og fjárhús. Fjölskyldufaðirinn, Peter Davis, tók myndbandið en hann starfaði lengi sem slökkviliðsmaður. Hann hefur aldrei séð neitt þessu líkt á ævi sinni.
Peter, ásamt sonum sínum tveimur, Ben og Brenton, reyndu að koma í veg fyrir að eldtungurnar næðu að læsa klónum í íbúðarhús þeirra. Það tókst ekki sem skyldi því eldtungurnar náðu að lokum að læsa sig í húsinu og urðu verulegar skemmdir á því. Eins og gefur að skilja brann allt sem gat brunnið utan dyra til kaldra kola. Þar á meðal voru bílar og fjárhús sem hýstu um 400 kindur. Þær drápust allar eins og býflugur sem voru í um 400 búum á lóðinni.
Óhætt er að segja að feðgarnir hafi verið í mikilli hættu. Í myndbandinu heyrist annar sonur Peters segja að hann þurfi að fara á klósettið. Peter kallar á hann að gera það ekki. „Þú ferð ekki inn í herbergi sem þú kemst kannski aftur út úr. Haltu þig frá glerinu.“
Undir lok myndbandsins sést þegar feðgarnir virða fyrir sér skemmdirnar á húsinu og hlutum utan dyra. „Við reyndum allavega.“
