Banani er gómsætur ávöxtur sem býr yfir mörgum góðum eiginleikum en hann er ekki bara góður fyrir líkama okkar því það er hægt að nota hann til margs annars á heimilinu. Þetta þýðir að þú hefur tækifæri til að nota hann allt fram á síðustu stund.

Flestir henda bananahýðinu þegar búið er að borða ávöxtinn en það er hægt að gefa því „annað líf“ áður en það endar í ruslatunnunni.

Aðferðin er einföld og áhrifarík. Í henni felst einfaldlega að setja hýðið í vatnsglas. En þá má spyrja sig hvaða gagn er að því? Jú, bananahýði í vatni gerir vatnið næringarríkt og gott til að nota sem áburð fyrir plöntur.

Kalíum og önnur steinefni, sem eru í bönunum, leysast upp í vatninu og mynda næringu sem styrkir rætur plantna og örvar vöxt þeirra.

Ef þú vilt prófa þetta, þá kemur uppskriftin að fljótandi bananaáburði hér:

Settu bananahýði í stórt glas.

Fylltu glasið með vatni þannig að það fljóti yfir hýðið.

Láttu hýðið liggja í vatninu í minnst tvo sólarhringa. Þeim mun lengur sem það er í vatninu, þeim mun fleiri næringarefni enda í vatninu.

Svo er bara að nota þetta næringarríka vatn til að vökva plönturnar.

Þú getur endurtekið þetta í hvert sinn sem þú átt bananahýði.