Haraldur Sigurðsson skemmtikraftur, sem gerði garðinn frægan í tvíeykinu Halli og Laddi, er látinn. Hann var 83 ára að aldri.

Haraldur var fæddur árið 1942 í Hafnarfirði, eldri bróðir Þórhalls „Ladda“ Sigurðssonar. Ungur var hann söngvari í mörgum hljómsveitum, meðal annars með bróður sínum. Síðar áttu þeir eftir að hefja feril í Sjónvarpinu, bæði í barnaefni og svo grínefni fyrir fullorðna.

Í áratugi skemmtu þeir bræður saman sem Halli og Laddi og svo í hljómsveitinni HLH flokknum.

Haraldur var sölustjóri hjá bílaumboðinu Jöfri, vann hjá Húsasmiðjunni og sem smiður. Hann lést á Landspítalanum þann 18. febrúar síðastliðinn.