Jóhannes Egilsson, framkvæmdastjóri Von Iceland harðfiskverkunar ehf, er ósáttur við yfirvöld þegar kemur að veitingu ríkisborgararéttar og telur þar jafnræðis ekki gætt. Ljóst sé að betra sé að spila körfubolta en vinna við harðfiskverkun þegar sótt er um ríkisborgararétt hér á landi.

Þetta kemur fram í aðsendri grein í Morgunblaðinu. Jóhannes segir aðflutt starfsfólk sitt vera harðduglegt bæði þegar kemur að vinnu og íslenskunámi. Leiðin að ríkisborgararétti sé hins vegar torsótt. Hann bendir á að af þeim 50 manns sem Alþingi tilkynnti nýlega um að myndu hljóta ríkisborgarrétt eru átta erlendir íþróttamenn, flestir körfuboltamenn:

„At­hygli vek­ur að fram­kvæmda­stjóri Körfuknatt­leiks­sam­bands Íslands er jafn­framt varaþingmaður Sam­fylk­ing­ar­inn­ar. Sá flokk­ur – og fleiri – tala gjarn­an um að al­manna­hags­mun­ir eigi að ganga fram­ar sér­hags­mun­um. Ég spyr: Er þetta það?“ segir Jóhannes í pistli sínum. Hann segir ennfremur:

„Hjá okk­ur vinna 17 manns. Okk­ar fólk er ekki í blaðafyr­ir­sögn­um. Það kepp­ir ekki fyr­ir íþróttalið. Það fær enga skjótmeðferð á Alþingi. En það legg­ur hönd á plóg og tek­ur þátt í verðmæta­sköp­un fyr­ir ís­lenskt sam­fé­lag. Það fram­leiðir harðfisk – eina elstu og ís­lensk­ustu mat­vöru þjóðar­inn­ar. Það borg­ar skatta. Það stofn­ar fjöl­skyld­ur. Það skap­ar sér framtíð.“

Jóhannes segir í lok pistilsins:

„Ég vil búa í landi þar sem rétt­læti gild­ir jafnt um alla – hvort sem þú kast­ar körfu­bolta eða fram­leiðir harðfisk.“