„Við erum að leita að Hafdís. Hingað til okkar leitaði kona að nafni Ambika sem ólst upp í SOS barnaþorpinu í Greenfields á Indlandi árin 1993 til 2012. Hún átti SOS-foreldri á Íslandi að nafni Hafdís sem styrkti hana í gegnum SOS og sendi henni reglulega kort í pósti, síðast fyrir um 10 árum.“

Þetta stendur í Facebook-færslu SOS Barnaþorpanna, sem deila nú nú fyrir hönd Amika sem vill finna umrædda Hafdísi og þakka henni fyrir.

„Nú er Ambika á leið til Íslands um mánaðamótin júní/júlí ásamt eiginmanni sínum og hana langar afar mikið að hitta Hafdísi til að þakka henni stuðninginn og kortasendingarnar í öll þessi ár.“

SOS Barnaþorpin geta ekki aðstoðað hana vegna persónuverndar:

„Þar sem SOS Barnaþorpin lúta ströngum persónuverndarlögum eigum við ekki lengur til í tölvukerfinu okkar upplýsingar um Hafdísi og því bregðum við á það ráð að auglýsa eftir henni hér.

Sér Hafdís þessa færslu? Eða getur þú hjálpað okkur að finna hana?

Endilega deildu þessari færslu og hjálpaðu okkur að finna Hafdísi. Ef þú sérð þessa færslu Hafdís, máttu endilega hafa samband við okkur. Eða ef þið sem vitið um téða Hafdísi megið þið gjarnan senda okkur einkaskilaboð.

Meðfylgjandi er mynd af kortum frá Hafdísi til Ambiku ásamt myndum frá Greendields á Indlandi.

Veist þú hver Hafdís er?“

Hafdís og/ eða þeir sem vita hvaða Hafdísi er um að ræða geta sent SOS Barnaþorpunum skilaboð.