Jeremie Frimpong hefur þurft að skýra út hegðun sína eftir að myndband af honum fagnandi tapi Arsenal í úrslitaleik Meistaradeildarinnar fór í dreifingu á samfélagsmiðlum.

Liverpool-maðurinn vakti athygli þegar hann birti myndskeið þar sem hann fagnaði ákaft eftir að Arsenal tapaði fyrir Paris Saint-Germain í vítaspyrnukeppni í úrslitaleiknum í Búdapest.

Arsenal, sem varð enskur meistari á tímabilinu, var hársbreidd frá því að bæta Evróputitli í safnið en mistök úr vítaspyrnum Eberechi Eze og Gabriel Magalhães urðu liðinu að falli.

Í myndbandinu mátti sjá Frimpong fagna ásamt vinum og fjölskyldu. Með færslunni fylgdi textinn „Let it all work out“, sem hefur verið tengdur Arsenal á tímabilinu og sérstaklega Eze eftir komu hans til félagsins.

Viðbrögðin létu ekki á sér standa og margir stuðningsmenn Arsenal gagnrýndu Hollendinginn fyrir framkomuna.

Frimpong brást þó fljótt við gagnrýninni og sagði að engin illindi hefðu búið að baki.

„Slakið á. Ég og vinur minn gerðum veðmál og ég vann það. Þess vegna var ég ánægður,“ skrifaði hann á samfélagsmiðlum.

Jeremie Frimpong and his family enjoyed PSG’s win last night 😅 pic.twitter.com/vrF4kUf3Dm

— EPL Bible (@EPLBible) May 31, 2026