Mirror heldur því fram að Tottenham hafi áhuga á að krækja í Raphinha frá Barcelona í sumar.
Brasilíski kantmaðurinn hefur aðeins verið hjá Börsungum í eitt ár. Félagið keypti hann frá Leeds á 55 milljónir punda.
Á þeim tíma hafði Raphinha verið sterklega orðaður við Arsenal. Barcelona hafði þó að lokum betur.
Samkvæmt Mirror fylgjast Skytturnar þó enn með gangi mála hjá Raphinha, sem og Newcastle.
Á þessari leiktíð hefur Raphinha komið að ellefu mörkum fyrir Barcelona, skorað sex og lagt upp fimm í La Liga.
Gengi hans hefur heillað Tottenham, sem þarf heldur betur að styrkja sig í sumar.
