Allir eru velkomnir á HM í knattspyrnu í Katar. Þetta hefur Alþjóða knattspyrnusambandið FIFA sagt frá því að ákveðið var að halda mótið í Katar. Hefur þar engu skipt að samkvæmt lögum í Katar er samkynhneigð bönnuð.
Í gær var Khalid Salman, sérstakur HM-sendiherra Katar, spurður út í þetta þetta þegar hann ræddi við þýsku sjónvarpsstöðina ZDF og er óhætt að segja að svar hans sé ekki í samræmi við þessar yfirlýsingar FIFA. Hefur upptaka af þessum ummælum hans farið víða í netheimum síðasta sólarhringinn.
„Fólk neyðist til að sætta sig við reglurnar hér í landinu. Samkynhneigð er haram (bönnuð, innsk. blaðamanns). Veist þú hvað haram þýðir?“ sagði Salman sem er fyrrum landsliðsmaður Katar.
Síðan hélt hann áfram og sagði: „Og af hverju er þetta haram? Af því að þetta er andlegur skaði.“
Þegar hér var komið við sögu lauk viðtalinu því embættismaður blandaði sér í málið og dró Salman á brott.
Hér fyrir neðan er hægt að sjá upptöku af viðtalinu.
https://twitter.com/SBSNews/status/1589924182334185472?ref_src=twsrc%5Etfw%7Ctwcamp%5Etweetembed%7Ctwterm%5E1589924182334185472%7Ctwgr%5E0540774c3254797ba8ccb4fce6857976bf9b2658%7Ctwcon%5Es1_&ref_url=https%3A%2F%2Fpublish.twitter.com%2F%3Fquery%3Dhttps3A2F2Ftwitter.com2FSBSNews2Fstatus2F1589924182334185472widget%3DTweet
