Verð á flugferðum verður hærra og eftirspurnin mun dragast saman um allan heim. Þetta segir Corneel Koster, forstjóri breska flugfélagsins Virgin Atlantic.

Í samtali við Financial Times sagði hann að hátt verð á flugvélabensíni sé „komið til að vera“ þegar ró kemst á í Miðausturlöndum.

„Þetta eru almennar áhyggjur í greininni, sem hafa áhrif á alla. Óháð því hvað gerist við Persaflóa í framtíðinni, þá er hluti af þessari röskun á heimsmarkaðsverði á eldsneyti komin til að vera,“ sagði hann.

Hann sagði að Virgin Atlantic muni eiga erfitt með að skila hagnaði í ár, þrátt fyrir að eldsneytisálag hafi nú verið lagt á flugmiða sem félagið selur.