Manchester United ku vilja fá inn vinstri bakvörð í sumar og er Maxi Araujo hjá Sporting í Portúgal sagður á óskalista félagsins.
AS greinir frá því að United fylgist grannt með gangi mála hjá Úrúgvæanum, en einnig eru Arsenal, AC Milan og Juventus áhugasöm.
Áhugi United tengist meðal annars þrálátum meiðslavandræðum Luke Shaw.
Araujo hefur skorað sjö mörk og lagt upp fjögur á tímabilinu og vakið athygli fyrir frammistöðu sína í Meistaradeildinni.
Sporting er opið fyrir því að selja hann á rúmar 40 milljónir punda, þó svo að klásúla upp á um 70 milljónir punda sé inni í samningi hans.
