Ólýsanlegur harmleikur átti sér stað á hrekkjavökunni þann 31. október í Washington.
Þar settist 11 ára drengur niður, setti heyrnartól í eyrun á sér og spilaði tölvuleiki. Hann tók ekki eftir neinu óeðlilegu. Þegar hann tók af sér heyrnartólin og fór að vitja foreldra sinna kom hann að þeim báðum látnum.
Lögregla telur að komið hafi til átaka milli foreldranna og þau ráðið hvort annað af dögum. Ekki er vitað hver átti upptökin en faðir drengsins.
Faðirinn Antonio Alvarado Saenz, 38 ára, hafði verið stunginn ítrekað í brjóstkassa með eggvopni og móðirin , Cecilia Robles Ochoa, 39 ára, lést eftir að hafa bæði verið stungin og skotin.
Drengurinn hringdi á neyðarlínuna þegar hann kom að foreldrum sínum, liggjandi í blóði sínu, á eldhúsgólfinu.
Bæði voru úrskurðuð látin á vettvangi. Rannsóknarlögreglumenn greina frá því að hjónin hafi glímt við erfiðleika og ætluðu sér að skilja að borði og sæng.
