Liverpool gæti keypt tvo leikmenn frá Monaco í sumar, en Arne Slot vill styrkja bæði sóknina og miðjuna eftir dapurt tímabil.
Liverpool ku hafa mikinn áhuga á kantmanninum Maghnes Akliouche, sem er metinn á um 50 milljónir punda. Frakkinn hefur komið að 39 mörkum í 109 leikjum fyrir Monaco. Hefur hann verið orðaður við fleiri stórlið, til að mynda Manchester United.
Þá er miðjumaðurinn Lamine Camara einnig sagður á óskalista Liverpool, en Senegalinn hefur slegið í gegn hjá Monaco frá því hann kom frá Metz.
Talið er að Liverpool gæti fengið báða leikmennina á rúmar 90 milljónir punda.
