Það er ótrúlegt hvað hundar gera fyrir fólk. Í fréttum eru stundum sagðar sögur af hundum sem leiddu björgunarfólk til slasaðs eiganda síns og hundum sem vörðu börn fyrir árásum dýra. En sumir hafa kannski velt fyrir sér hvort þeir geri þetta af því að þeir elska okkur, eða af því að þeir sjá okkur sem ávísun á mat?

Ef trúa má sérfræðingum og niðurstöðum rannsókna þá elska hundar fólk hugsanlega meira en mat.

„Ég er algjörlega sannfærður um að hundarnir okkar elska okkur. Það er enginn vafi í huga mínum,“ sagði Clive Wynne, sálfræðiprófessor við Arizona State háskólann.

Ýmsar rannsóknir styðja þessa skoðun Wynne að sögn Live Science.