Í nýrri rannsókn, þar sem upplýsingar um erfðaefni einnar milljónar manna var rannsakað, hafa vísindamenn fundið genaafbrigði sem eykur hættuna á að fólk neyti kannabis og byggi upp þol gegn efninu og á erfitt með draga úr eða hætta neyslunni þrátt fyrir neikvæð áhrif hennar á líf þeirra og heilbrigði.

Dr Joel Gelernter, prófessor í erfðafræði og taugavísindum við læknadeild Yale háskóla, sagði í samtali við Live Science að ef fólk sé með þetta genaafbrigði þá geti það haft í för með sér að kannabisneysla þess verði vandamál og það verði háð efninu og eigi erfitt með að hætta neyslu þess.

Af þeirri einni milljón sem tók þátt í rannsókninni, glímdu um 64.000 við kannabisfíkn. Flestir þeirra voru af evrópskum uppruna en einnig voru margir af afrískum, austur asískum eða blönduðum uppruna.

Rannsóknin hefur verið birt í vísindaritinu Nature Genetics