Heilbrigðisöryggisstofnun Bretlands greindi frá því í dag að staðfest tilfelli apabólu í Bretlandi væru alls 20 talsins. „Flest tilfellin eru væg,“ segir Sajid Javid, heilbrigðismálaráðherra Bretlands.
Góðu fréttirnar varðandi apabóluna eru þær að til er bóluefni sem hefur reynst vel í baráttunni við þennan nýja sjúkdóm, það er bóluefni sem notað hefur verið við hefðbundinni bólusett. Samkvæmt heilbrigðisstofnun Bandaríkjanna (CDC) þá virðist hægt að nota bóluefnið sökum þess hve lík apabólan er bólusóttinni. Virkni bóluefnisins gegn apabólu er að minnsta kosti 85%.
Það þýðir þó ekki að fólk ætti ekki að hafa varann á þegar kemur að apabólunni. Heilbrigðisstofnun Bretlands hefur farið ítarlega yfir það hvaða einkenni fólk ætti að vara sig á en þau helstu eru sjö talsins.
Heimildarmaður The Sun segir að búið sé að leggja línurnar að því að fá meira bóluefni til Bretlands fyrir baráttuna gegn apabólunni. „Við höfum ekki of miklar áhyggjur á þessum tímapunkti en við fylgjumst mjög vel með stöðunni.“
Veiran hefur greinst undanfarna daga í nokkrum löndum Evrópu. Til að mynda í Belgíu, Frakklandi, Þýskalandi, Ítalíu, Svíþjóð, Spáni, Portúgal og Kanada. Þá hefur veiran einnig greinst í Bandaríkjunum og í Kanada.
Þórólfur Guðnason, sóttvarnarlæknir, hefur síðan sagt að ekki sé útilokað að apabólan berist hingað til lands.
