Í síðustu viku lést kanadískur fjölskyldufaðir þegar hann var að versla í bílalúgu McDonald‘s skyndibitastaðar í Vancouver. Þegar hann ætlaði að greiða fyrir vörurnar missti hann greiðslukortið sitt niður á malbikið.

Til að ná kortinu steig hann hálfur út úr bílnum og beygði sig niður. En þá átti hið hræðilega slys sér stað. Hann hafði ekki sett bílinn í hlutlausan gír og því byrjaði bíllinn að renna áfram. Maðurinn kramdist þá á milli hurðarinnar og bílsins.

Fjölda fólks dreif strax að til að veita manninum fyrstu hjálp en það dugði ekki til og lést hann af völdum áverka sinna.